وقيعا 19 قاڭتاردا كەشكە بولعان. كۋاگەرلەردىڭ ايتۋىنشا, قۇقىق بۇزۋشى قىلمىس ورنىنان قاشىپ كەتكەن. زارداپ شەككەن ەر ادام العان جاراقاتتارىنان قايتىس بولدى. اقپاراتتى قاراعاندى وبلىسى پد ءباسپاسوز قىزمەتى راستادى.
«بۇل جول اپاتى 19 قاڭتاردا ساعات 19.05-تە بولدى. 50 جاستاعى Mitsubishi Delica جۇرگىزۋشىسى جاياۋ جۇرگىنشىنى قاعىپ كەتتى. الاشاحان كوشەسىمەن ءجۇرىپ كەلە جاتىپ, جاياۋ جۇرگىنشىلەر وتكەلىندە ول 60 جاستاعى ەر ادامدى قاعىپ كەتكەن. ارتىنشا وقيعا ورنىنان ءىزىن سۋىتقان. جول اپاتى سالدارىنان ەر ادام وقيعا ورنىندا كوز جۇمدى», دەپ مالىمدەدى ۆەدومستۆونىڭ ءباسپاسوز قىزمەتى وكىلى.
سونداي-اق, ءباسپاسوز قىزمەتى وكىلى جۇرگىزىلگەن ءىس-شارالاردىڭ ارقاسىندا كۇدىكتى انىقتالىپ, ۇستالعانىن ايتتى. وقيعا پوليتسيادا تىركەلگەن. بۇل ءىس بويىنشا ساراپتامالار تاعايىندالعان, ناتيجەلەرى بويىنشا شەشىم قابىلداناتىنى ايتىلدى.
