ۆەدومستۆودا وكم اكىمشىلىگى «جاسىل دامۋ» اق-عا بەرىلگەنى اتاپ ءوتىلدى.
11 قاڭتاردا قر پارلامەنتى ءماجىلىسىنىڭ وتىرىسىندا سويلەگەن سوزىندە مەملەكەت باسشىسى قاسىم-جومارت توقاەۆ «وكم وپەراتورى» جشس-ءنىڭ كادەگە جاراتۋ الىمىن توقتاتۋ جانە كادەگە جاراتۋ الىمىن يەلىك ەتۋ بويىنشا شارالار قابىلداۋدى تاپسىردى.
وسى تاپسىرمانى ورىنداۋ شەڭبەرىندە 2022 جىلعى 18 قاڭتاردا ۇكىمەت «قازاقستان رەسپۋبليكاسىنىڭ ەكولوگيا, گەولوگيا جانە تابيعي رەسۋرستار مينيسترلىگىنە ۆەدومستۆولىق باعىنىستى ۇيىمداردىڭ كەيبىر ماسەلەلەرى تۋرالى» قاۋلى قابىلدادى. وسىعان بايلانىستى وندىرۋشىلەردىڭ (يمپورتتاۋشىلاردىڭ) كەڭەيتىلگەن مىندەتتەمەلەرىنىڭ وپەراتورى «جاسىل دامۋ» اكتسيونەرلىك قوعامى تۇلعاسىنداعى مەملەكەتتىك ۇيىم بولىپ ايقىندالدى.
«وكم وپەراتورى» جشس-ءنىڭ كادەگە جاراتۋ الىمىن اكىمشىلەندىرۋ جانە ءتيىستى قۇرالدارعا بيلىك ەتۋ بولىگىندەگى قىزمەتى توقتاتىلدى. بۇگىنگى كۇنى ءتيىستى ۋاكىلەتتى ورگاندار اكتيۆتەردى مەملەكەتتىك مەنشىككە بەرۋ, ۋاكىلەتتى ورگانداردىڭ قورىتىندىلارىن ۇسىنۋ, «جاسىل دامۋ» اق بالانسىنا بەرۋ, ادىلەت ورگاندارىندا اكتسيونەرلىك قوعامدى قايتا تىركەۋ بويىنشا شارالار قابىلداۋدا.
ايتا كەتسەك, اكتسيونەرلىك قوعام ەكولوگيا مينيسترلىگىنە قاراستى ۇيىم بولىپ تابىلادى. پرەزيجەنتتىڭ تاپسىرماسىنا سايكەس كادەگە جاراتۋ الىمىنىڭ كوەففيتسيەنتتەرىن قايتا قاراۋ بويىنشا ۆەدومستۆوارالىق جۇمىس توبى قۇرىلدى. بۇل مولشەرلەمەلەر وسى جىلدىڭ اقپان ايىنىڭ سوڭىنا دەيىن قارالىپ, بەكىتىلەتىن بولادى. توپ جۇمىسىنىڭ ناتيجەلەرى تۋرالى اقپارات ەكولوگيا مينيسترلىگىنىڭ ينتەرنەت-رەسۋرسىندا ورنالاستىرىلاتىن بولادى. كورسەتىلگەن ۋاقىتقا دەيىن كادەگە جاراتۋ الىمى «جاسىل دامۋ» اق وپەراتورىنا قولدانىستاعى مولشەرلەمەلەر بويىنشا تولەنەدى.
