پرەزيدەنت ەڭ الدىمەن ساپالى ءبىلىمدى قولجەتىمدى ەتۋدى قولعا الۋ قاجەتتىگىن اتاپ كەتتى. شىنىندا دا, قوعام دامۋىنىڭ باستى فاكتورى ساپالى ءبىلىمدى مەڭگەرگەن بىلىكتى ماماندار ەكەنى ءسوزسىز. بۇل باعىتتا ەلىمىزدە بىلىمگە قۇشتار, بولاشاعىمىزدىڭ نەگىزىن قۇرايتىن دارىندى جاستارعا بارىنشا قولداۋ كورسەتىپ, الەۋەتىن پايدالانۋ كوزدەرىن قاراستىرۋ كەرەك. اسىرەسە اۋىل جاستارى اراسىنداعى تالانتتارعا ساپالى ءبىلىم الۋ بەرۋ تەتىگىن ايقىنداۋ, ونى جۇزەگە اسىرۋ ءتاسىلىن بەلگىلەۋ قاجەت دەپ سانايمىز.
دارىندى تۇلعانى قالىپتاستىرۋشى – ۇلاعاتتى ۇستاز, ەڭ الدىمەن مەكتەپتە ءبىلىم نارىمەن سۋسىنداتاتىن مۇعالىم. بۇگىنگى مۇعالىمنىڭ ءوز سالاسىندا قاجىماس ەڭبەك ەتىپ, ساپالى ءبىلىم بەرۋى, ونىڭ الەۋمەتتىك جاعدايىنىڭ دەڭگەيىمەن دە تىكەلەي بايلانىستى ەكەنى راس. مەكتەپتەردى «جاقسى مۇعالىمدەرمەن قامتاماسىز ەتپەيىنشە, ءبىلىم ساپاسىن كوتەرۋ مۇمكىن ەمەس», دەگەن مەملەكەت باسشىسىنىڭ ءسوزى, ءبىزدىڭ ويىمىزشا, ەڭ الدىمەن اۋىل مەكتەپتەرى ۇستازدارىنا باعىتتالىپ وتىر. سوندىقتان زاماناۋي ءبىلىم العان پەداگوگ مامانداردىڭ اۋىلعا بارىپ ەڭبەك ەتۋگە قىزىعۋشىلىعىن ارتتىرۋ ماقساتىندا باعدارلاما قابىلدانىپ, سول باعدارلامادا مۇعالىم مارتەبەسى مەن مۇددەسىن قورعايتىن وزەكتى ماسەلەلەر ءوز شەشىمىن تابۋى كەرەك. احمەت بايتۇرسىن ۇلىنىڭ «مۇعالىم – مەكتەپتىڭ جۇرەگى» دەگەن قاناتتى ءسوزى قايتا جاڭعىرىپ, نۇر ۇستىنە نۇر بالارى حاق.
پرەزيدەنت جوعارى مەكتەپتەردە ءبىلىم الۋدى قولجەتىمدى ەتۋدە حالىق كوپ شوعىرلانعان ايماقتارعا ارناپ ماقساتتىق ءبىلىم بەرۋ گرانتتارىن ءبولۋ تۋرالى تاپسىرماسى دا – كوڭىلگە قونىمدى جاڭالىق. بۇل باستاما حالىق سانى كوپ ايماق جاستارىنىڭ مەملەكەت قولداۋىمەن, اقىسىز, ساپالى جوعارى ءبىلىم الۋعا مۇمكىندىگىن ارتتىرىپ, بولشاققا سەنىممەن قاراۋىنا سەپتىگىن تيگىزبەك. اتالعان باستامانى حالىق زور قۋانىشپەن قابىل الىپ وتىر.
ءار مەملەكەتتىڭ ەكونوميكالىق جانە الەۋمەتتىك تۇرعىدان دامۋىنىڭ تاعى ءبىر كورسەتكىشى – الەمدىك تاجىريبەگە سۇيەنگەن ءبىلىمدى مامان دايارلاۋمەن تىعىز بايلانىستى. وسى ورايدا مەملەكەت باسشىسى ءوز سوزىندە شەتەلدىك الدىڭعى قاتارلى جوعارى وقۋ ورىندارىنىڭ, سونىڭ ىشىندە قازاقستانعا اسا قاجەتتى تەحنيكالىق باعىتتاعى وقۋ ورىندارىنىڭ فيليالدارىن اشۋ تۋرالى ايتقان ءسوزى – جاستاردىڭ ەلدەن تىس كەتپەي-اق, ساپالى ءبىلىم الۋىنا جول اشاتىن تىڭ جاڭالىق. بۇل قاجەتتى ماماندارمەن ەلدى قامتاماسىز ەتۋ ماسەلەسىن شەشۋدىڭ ءتيىمدى جولى بولاتىنىنا سەنەمىز.
گۇلجامال جاپاروۆا,
«تۇران-استانا» ۋنيۆەرسيتەتىنىڭ رەكتورى, پروفەسسور,
نۇر-سۇلتان قالالىق ءماسليحاتىنىڭ دەپۋتاتى
