الماتى - كوكپەك - كوكتال تاسجولىنىڭ 42-شاقىرىمىندا ەكى كولىك جاياۋ جۇرگىنشىنى قاعىپ ءولتىردى. تەرگەۋشىلەر جامبىل اۋىلىنا اناسىنا قوناققا كەلگەن 45 جاستاعى نۇر-سۇلتان تۇرعىنى بەلگىلەنبەگەن تۇستان جولدى كەسىپ وتپەك بولعان جەرىنەن Mitsubishi Carisma كولىگىن تىزگىندەگەن 29 جاستاعى تالعار تۇرعىنى قاعىپ كەتكەنىن انىقتاعان.
سودان كەيىن ۆاز-2114 كولىگىن تىزگىندەگەن ەڭبەكشىقازاق اۋدانىنىڭ 31 جاستاعى تۇرعىنى جاياۋ جۇرگىنشى ەكىنشى رەت قاعىپ كەتىپ, ءارى قاراي ونى قاعىپ كەتكەن اۆتوكولىكپەن سوقتىعىسقان. ناتيجەسىندە جاياۋ جۇرگىنشى العان جاراقاتىنان وقيعا ورنىندا كوز جۇمعان.
مارقۇمنىڭ اناسىنىڭ ايتۋىنشا, ول ۇلىنىڭ ەڭبەكشىقازاق اۋدانىنا قالاي بارعانىن بىلمەيدى. تۇندە ول شارۋالارىمەن ءبىر جەرگە كەتىپ, جوعالىپ كەتكەن.
«جول اپاتىنىڭ سەبەبى تۇندە كولىك الدىندا جولدى كەسىپ وتكەن جاياۋ جۇرگىنشىنىڭ جول قوزعالىسى ەرەجەسىن ساقتاماۋى بولدى. ءىس بويىنشا ساراپتامالار تاعايىندالدى, ولار جابىرلەنۋشىنىڭ ماس كۇيدە بولىپ-بولماعانىن نەمەسە جۇرگىزۋشىلەر جول اپاتىنىڭ الدىن الا مۇمكىندىگى بار ما ەدى دەگەن ماسەلەلەر تەكسەرىلەدى. ازاماتتاردى جول ءجۇرۋ ەرەجەلەرىن ساقتاۋعا جانە جولدى بەلگىلەنگەن جەرلەردەن عانا وتۋگە شاقىرامىن», دەدى ەڭبەكشىقازاق ءاىىب باستىعى جاقسىلىق التىنباەۆ.
