«Pfizer پرەپاراتى 18 جاسقا دەيىنگى جاسوسپىرىمدەردى, جۇكتى ايەلدەردى (جۇكتىلىكتىڭ 16-30 اپتاسى) جانە بالاسى ەكى جاسقا تولعان ەمىزەتىن انالاردى ۆاكتسينالاۋ ءۇشىن قولدانىلادى. رەۆاكتسيناتسيا ءۇشىن ول مەديتسينا قىزمەتكەرلەرى مەن 60 جاستان اسقان ادامدار ءۇشىن قولدانىلادى», – دەيدى قالالىق العاشقى مەديتسينالىق-سانيتارلىق كومەك ورتالىعىنىڭ ديرەكتورى تاتيانا باشيروۆا.
ەكى تاۋلىك ىشىندە ۆاكتسيناتسيا ورتالىعىندا 60-تان استام زەينەتكەر ءۇشىنشى رەت ۆاكتسينا الدى.
قر دەنساۋلىق ساقتاۋ مينيسترلىگى بۇگىنگى كۇنى وڭىرلەردە ۆاكتسيناتسيالاۋ ءۇشىن «سپۋتنيك V», QazVac, Vero Cell (Sinopharm), Pfizer (بالالار, جۇكتى جانە بالا ەمىزەتىن ايەلدەر ءۇشىن) قولجەتىمدى ەكەنىن حابارلايدى. رەۆاكتسيناتسيا ءۇشىن - QazVac, Vero Cell (Sinopharm), Pfizer (60 جاستان اسقان ادامدارعا), سونداي-اق قاڭتار ايىنىڭ سوڭىندا «سپۋتنيك لايت» ۆاكتسيناسى.
