ايماقتار • 16 قاڭتار، 2022

اتىراۋ قالاسىنىڭ اكىمى قىزمەتىنەن بوساتىلدى

243 رەت كورسەتىلدى

اتىراۋ قالاسىنىڭ اكىمى قايرات ورازباەۆ قىزمەتىنەن كەتتى، دەپ حابارلايدى Egemen.kz.

بۇل اقپاراتتى اتىراۋ وبلىسى اكىمىنىڭ ءباسپاسوز قىزمەتى راستادى.

«اتىراۋ قالاسىنىڭ اكىمى قايرات ورازباەۆ ەمدەلۋ ءۇشىن 30 جەلتوقساندا ەڭبەك دەمالىسىن العان بولاتىن. قالا اكىمى 10 قاڭتاردا جۇمىسقا كەرى شاقىرتىلىپ الىندى. الايدا، ول كەلەسى كۇنى دەنساۋلىعىنا بايلانىستى ەڭبەككە جارامسىزدىق پاراقشاسىن اشتىردى. وبلىس اكىمىنىڭ وكىمىمەن قايرات ورازباەۆ 14 قاڭتار كۇنى ءوزىنىڭ ءوتىنىشى نەگىزىندە اتىراۋ قالاسى اكىمى قىزمەتىنەن بوساتىلدى. قازىر اتىراۋ قالاسى اكىمىنىڭ مىندەتىن اتقارۋ قالا اكىمىنىڭ ورىنباسارى جۇمابەك قاراجانوۆقا جۇكتەلدى»، دەپ حابارلادى وبلىس اكىمىنىڭ ءباسپاسوز قىزمەتى.

ەسكە سالايىق، قايرات ورازباەۆ اتىراۋ قالاسى اكىمىنىڭ قىزمەتىنە 2020 جىلعى قاڭتاردا تاعايىندالعان بولاتىن.

 

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار