سپورت • 16 قاڭتار، 2022

ەلەنا رىباكينا الەمدىك رەيتينگتە 12 ورىنعا كوتەرىلدى

54 رەت كورسەتىلدى

قازاقستاندىق تەننيسشى ەلەنا رىباكينا الەمدىك رەيتينگتە رەسمي تۇردە 12-ورىنعا كوتەرىلدى، دەپ حابارلايدى Egemen.kz.

16 قاڭتاردا ايەلدەر تەننيسى قاۋىمداستىعىنىڭ (WTA) جاڭارتىلعان رەيتينگى جاريالاندى. 13-ورىندا تۇرعان وتانداسىمىز امەريكالىق سوۆيا كەنيندى نەبارى ءۇش ۇپايعا باسىپ وزعان.

11-ورىنعا 2968 ۇپاي جيناعان رەسەيلىك اناستاسيا پاۆليۋچەنكوۆا جايعاسسا، تۋنيستىك ونس جابەر 3500 ۇپايمەن ۇزدىك وندىقتى تۇيىندەپ تۇر.

قازاقستان تەننيسى تاريحىندا بۇرىن-سوڭدى ەشقانداي سپورتشى 12-ورىنعا دەيىن كوتەرىلمەگەن.

قازاقستان نامىسىن قورعايتىن تاعى ءبىر وتانداسىمىز يۋليا پۋتينتسەۆا دا رەيتينگتە ءبىر ساتى جوعارىلادى. قازىر پۋتينتسەۆا 1400 ۇپايمەن 42-ورىندا. سونىمەن قاتار، ءتورت ساتى جوعارىلاعان زارينا دياس 732 باللمەن 104-ورىنعا شىققان.

سوڭعى جاڭالىقتار

ۇقساس جاڭالىقتار