قوعام • 15 قاڭتار، 2022

پوليتسەيلەردىڭ ارەكەتىنە قاتىستى شاعىمدارعا ارنالعان نومىرلەر جاريالاندى

153 رەت كورسەتىلدى

ءىىم پوليتسيا قىزمەتكەرلەرىنىڭ ارەكەتتەرىنە قاتىستى شاعىمدار ءۇشىن call-ورتالىقتاردىڭ نومىرلەرىن جاريالادى، دەپ حابارلايدى Egemen.kz.

ىشكى ىستەر ءمينيسترى ەرلان تۇرعىمباەۆ وزىندىك قاۋىپسىزدىك دەپارتامەنتىنە ازاماتتاردان پوليتسيا قىزمەتكەرلەرىنىڭ ارەكەتتەرىنە قاتىستى كەلىپ تۇسكەن شاعىمداردى مۇقيات تەكسەرۋدى تاپسىردى.

قازىرگى ۋاقىتتا ىشكى ورگاندار بولىمشەلەرى كۇشەيتىلگەن رەجيمدە قىزمەت اتقارىپ جاتىر. «قۇقىقتىق ءتارتىپ» جەدەل الدىن الۋ ءىس-شاراسى جالعاسادى، ادامدار كوپ جينالاتىن ورىنداردا جانە تىرشىلىكتى قامتاماسىز ەتۋ وبەكتىلەرىندە كۇزەت جاساقتارى كۇشەيتىلدى. جەرگىلىكتى اتقارۋشى ورگاندارمەن بىرلەسىپ، وتكەن وقيعالاردىڭ سالدارىن جويۋ بويىنشا شارالار قابىلدانىپ جاتىر.

بەينەباقىلاۋ كامەرالارىن تالداۋ، سونداي-اق اينالاسىنا بەي-جاي قارامايتىن ازاماتتاردان كەلىپ تۇسەتىن ماتەريالداردى ساراپتاي وتىرىپ، بوتەننىڭ مۇلكىن جويۋعا نە بۇلدىرۋگە بايلانىستى ب ۇلىكتەرگە، ۇرلاۋعا جانە توناۋعا قاتىسۋشىلاردى انىقتاۋ بويىنشا ءىس-شارالار جۇرگىزىلەدى.

قازاقستاندىقتاردان حابارلامالار قابىلداۋ جانە ولارعا جەدەل دەن قويۋ ءۇشىن پوليتسيا دەپارتامەنتتەرىنىڭ جەدەل باسقارۋ ورتالىعى مەن كومەنداتۋرالاردىڭ call-ورتالىقتارى قىزمەتكەرلەرىنىڭ سانى ارتتى.

«سونىمەن بىرگە، بۇقارالىق اقپارات قۇرالدارىندا جانە الەۋمەتتىك جەلىلەردە پوليتسيا قىزمەتكەرلەرىنىڭ زاڭسىز ارەكەتتەرى، ونىڭ ىشىندە ۇيالى تەلەفونداردى تەكسەرۋگە قاتىستى اقپاراتتار جاريالانىپ جاتىر.

ءىىم ازاماتتاردىڭ ۇيالى تەلەفوندارىن ولاردىڭ كەلىسىمىنسىز نەمەسە سوت ورگاندارىنىڭ سانكتسياسىنسىز تەكسەرۋگە، سونداي-اق قاراۋعا تىيىم سالىنعانىن رەسمي تۇردە مالىمدەيدى»، دەلىنگەن حابارلامادا.

وسىعان بايلانىستى ىشكى ىستەر ءمينيسترى ەلدەگى قۇقىقتىق ءتارتىپتى قامتاماسىز ەتۋدىڭ وزگە ماسەلەلەرىمەن قاتار، قىزمەتتەر مەن اۋماقتىق بولىمشەلەردىڭ باسشىلارىنا ازاماتتاردىڭ كونستيتۋتسيالىق قۇقىقتارىن قاتاڭ ساقتاۋعا، ولاردى نەگىزسىز قىلمىستىق جانە اكىمشىلىك قۋدالاۋعا جول بەرمەۋ تۋرالى نۇسقاۋ بەردى.

ءىىم وزىندىك قاۋىپسىزدىك دەپارتامەنتىنە ازاماتتاردان پوليتسيا قىزمەتكەرلەرىنىڭ ءىس-ارەكەتتەرىنە قاتىستى كەلىپ تۇسكەن شاعىمداردى، سونىڭ ىشىندە پوليتسيا بولىمدەرىنە جەتكىزىلگەن جانە ۇستالعان ادامداردىڭ ۇيالى تەلەفوندارىن نەگىزسىز تەكسەرۋگە بايلانىستى دەرەكتەردى مۇقيات تەكسەرۋ تاپسىرىلدى.

قازاقستاندىقتاردان پوليتسيا قىزمەتكەرلەرىنىڭ زاڭسىز ارەكەتتەرىنىڭ بارلىق دەرەكتەرى بويىنشا ءىىم وقد-ءنىڭ تاۋلىك بويى جۇمىس ىستەيتىن 1402، 8 (7172) 71-41-09 سەنىم تەلەفونىنا، ءمينيستردىڭ بلوگى، «اشىقتىق الاڭى» فرونت-وفيستەرىنە حابارلاسۋدى سۇرايمىز. سونداي-اق تومەندەگى وزىندىك قاۋىپسىزدىكتىڭ اۋماقتىق بولىمشەلەرىنە حابارلاسۋعا بولادى:

نۇر-سۇلتان قالالىق پد وقب – 8-702-127-98-18

الماتى قالالىق پد وقب – 8-707-927-67-69

شىمكەنت قالالىق پد وقب – 8 (7252) 21-43-23

اقمولا وبلىسى پد وقب – 8 (7162) 25-03-60

الماتى وبلىسى پد وقب – 8 (7282) 60-81-58

اقتوبە وبلىسى پد وقب – 8 (7132) 52-16-91

اتىراۋ وبلىسى پد وقب – 8 (7122) 25-10-38

شىعىس قازاقستان وبلىسى پد وقب – 8 (7232) 23-43-32

جامبىل وبلىسى پد وقب – 8 (7262) 45-43-39، 7-701-072-70-00

باتىس قازاقستان وبلىسى پد وقب – 8 (7112) 98-45-68، 98-42-75، 98-40-44، 8-707-290-28-84

قاراعاندى وبلىسى پد وقب – 8 (7212) 42-93-39 قوستاناي وبلىسى پد وقب – 8-707-715-44-24

قىزىلوردا وبلىسى پد وقب – 8 (7242) 27-28-74، 8-747-182-51-43

ماڭعىستاۋ وبلىسى پد وقب – 8 (7292) 47-52-69

پاۆلودار وبلىسى پد وقب – 8 (7182) 32-28-22

سولتۇستىك قازاقستان وبلىسى جپ ەقب – 8 (7152) 61-26-89، 8-700-161-26-89

تۇركىستان وبلىسى پد وقب – 8-701-121-93-35

كولىكتەگى پد وقب – 8 (7172) 94-23-20، 8-707-294-23-20.

ءاربىر ءوتىنىش جەكە قارالىپ، ازاماتتارعا تولىققاندى جاۋاپتار بەرىلەتىنى حابارلاندى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار