قوعام • 15 قاڭتار، 2022

قازاقستاننىڭ 5 وڭىرىندە جولدار جابىلدى

46 رەت كورسەتىلدى

«قازاۆتوجول» ۇك» اق اقپاراتى بويىنشا كۇن رايىنىڭ ناشارلاۋى مەن كوكتايعاق، بۇرقاسىنعا بايلانىستى بەس وڭىردە جول جابىلدى، دەپ حابارلايدى Egemen.kz.

بۇل تۋرالى قر توتەنشە جاعدايلار مينيسترلىگىنىڭ رەسمي وكىلى تالعات ءۋالي ءمالىم ەتتى.

«اقمولا، قاراعاندى، قوستاناي، پاۆلودار، باتىس قازاقستان وبلىستارىنداعى رەسپۋبليكالىق جانە وبلىستىق ماڭىزى بار تاس جولداردا قوزعالىس جابىلدى.

«قازگيدرومەت» رمك مالىمەتىنشە، وڭىرلەردە بۇرقاسىن، قار، كوكتايعاق بولىپ، جەلدىڭ جىلدامدىعى سەكۋندىنا 15-20 مەترگە جەتەدى. ازاماتتاردى كۇن رايىنىڭ وزگەرۋىن باقىلاىپ، ەسكەرتۋ حابارلامالارىن نازارعا الۋعا جانە قاجەتتى ساقتىق شارالارىن ساقتاۋعا شاقىرامىز. قىستا ەلدى مەكەندەر اراسىنداعى اۆتوموبيل جولدارىنا شىعۋدى جوسپارلاماس بۇرىن مىندەتتى تۇردە اۋا رايى بولجامىن ءبىلىپ العان ءجون»،  دەلىنگەن حابارلامادا.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار