Polisia.kz سايتىنىڭ مالىمەتىنشە, 14 قاڭتار كۇنى ساعات 11:30 شاماسىندا قۇلسارى-بەينەۋ تاسجولىنىڭ 15 شاقىرىمىندا ارمەنيا ەلىندە تىركەلگەن Honda Odessey جانە رەسەي ەلىندە تىركەلگەن ۆاز-2115 اۆتوكولىكتەرى سوقتىعىسقان.
جول اپاتى سالدارىنان ۆاز-2115 اۆتوكولىگىنىڭ 26 جاستاعى جۇرگىزۋشىسى جانە ءۇش جولاۋشىسى وقيعا ورنىندا قازا بولدى. ال ەكىنشى كولىكتىڭ جۇرگىزۋشىسى مەن جولاۋشىسى جىلىوي اۋدانىنىڭ اۋرۋحاناسىنا جەتكىزىلگەن. جولاۋشى العان جاراقاتى سالدارىنان اۋرۋحانادا كوز جۇمدى.
قازىرگى ۋاقىتتا وقيعاعا قاتىستى تەرگەۋ امالدارى باستالدى.
