الماتى قالالىق حقو-لارى 11 قاڭتاردان باستاپ قىزمەت كورسەتە باستادى. كليەنتتەرگە پاسپورت پەن جەكە كۋالىك راسىمدەۋ, كوشى-قون قىزمەتتەرىنەن وزگە بارلىق مەملەكەتتىك قىزمەت قولجەتىمدى. بىراق ەلىمىزدەگى بارلىق مامانداندىرىلعان حقو-لار جۇمىسى توقتاپ تۇر. وكىنىشكە قاراي, ازىرگە ءىىم اكىمشىلىك پوليتسيا كوميتەتىنىڭ قىزمەتكەرلەرى باسقا مىندەتتەردى ورىنداۋعا باعدارلانعاندىقتان, اۆتوكولىك يەلەرىنە مامانداندىرىلعان حقو-لار مەن ميگراتسيالىق حقو-دا قىزمەت كورسەتىلمەيدى.
ەڭ باستىسى, قالاداعى «اقساينان», «الماتىنان» مەن «رۋزينان» ناۋبايحانالارى كۇنىنە 80 تونناعا جۋىق الەۋمەتتىك نان پىسىرەدى. ناننىڭ باعاسى بۇرىنعى قالپىندا قالعانىمەن, دەلدالدار ونى قولدان ءوسىرىپ وتىرعانى بايقالادى. باكالەيا ونىمدەرىنىڭ ءىرى جەتكىزۋشىسى «اس-ان» فيرماسى» جشس كۇنباعىس مايى, قانت, تۇز, ماكارون, كۇرىش, ارپا, ۇندى ساۋدا جەلىلەرىنە جەتكىزۋدى جاڭارتتى. ءسۇت ونىمدەرىن شىعاراتىن «سولنەچنىي» جشس, ء«ادالسۇت» جشس جانە «JLC» جشس, «فۋد ماستەر» جشس, RG Brands تاۋارلارىن شتاتتىق رەجىمدە جەتكىزىپ جاتىر. «الساد قازاقستان» جشس مەن «الاتاۋ قۇس» جشس قويمالاردا جۇمىرتقا قورىنىڭ جەتكىلىكتى كولەمى بولعاندىقتان, بارلىق ساۋدا جەلىلەرى مەن ءىرى دۇكەندەر جەتكىزىلىممەن قامتىلعان. 11 قاڭتاردان باستاپ اكك-ءنىڭ 20 پاۆيلونى جۇمىس ىستەي باستادى, 2 پاۆيلون زارداپ شەكتى. سول سياقتى «ماگنۋم» جەلىسىمەن كەلىسىمشارت جاسالعان كوكونىستەر كولەمىن جەتكىزۋ جولعا قويىلدى.
الماتىدا 970 ءدارىحانا بولسا, ونىڭ 407-ءسى جەلىگە جاتادى. سوڭعى كۇندەرى 277 ءدارىحانا جۇمىسقا قوسىلسا, ونىڭ ىشىندە 138 جەلىلىك جانە 139 جەكە ءدارىحانا بار. جەدەل مالىمەتتەر بويىنشا, 15 ءدارىحانا زارداپ شەككەن. قالا ءدارىحانالارىنا دارىلىك زاتتار مەن مەديتسينالىق ماقساتتاعى بۇيىمداردى جەتكىزۋدى «مەدسەرۆيس», INKAR, «امانات» 3 ءىرى فارمكومپانياسى جۇزەگە اسىرادى. 10 قاڭتارداعى جاعداي بويىنشا «مەدسەرۆيس» كومپانياسى 40 293 بىرلىك كولەمىندە دز-نىڭ 1 070 ءتۇرىن تيەپ جونەلتكەن, «امانات» كومپانياسى 203 700 بىرلىك كولەمىندە دز-نىڭ 2 040 ءتۇرىن تيەپ جەتكىزگەن. باسقا ءىرى جەتكىزۋشىلەر 11 قاڭتاردان باستاپ قالا ءدارىحانالارىنىڭ تاپسىرىستارى بويىنشا دز جانە ممب جەتكىزۋدى باستايدى.
شاھاردا جول ينفراقۇرىلىمىن قالپىنا كەلتىرۋ جۇمىستارى جالعاسىپ جاتىر. جول قوزعالىسىن رەتتەۋدىڭ تەحنيكالىق قۇرالدارىن قالپىنا كەلتىرۋ جۇمىستارىن 13 بريگادا جۇرگىزەدى. 46 باعدارشام نىسانى زاقىمداندى, 38-ءى قالپىنا كەلتىرىلدى, ونىڭ 5-ءى ۋاقىتشا سىزبا بويىنشا. سونداي-اق 120 جول بەلگىلەرى ب ۇلىنگەن, ونىڭ 96-سى قالپىنا كەلتىرىلگەن. كوشە-جول جەلىسى بويىنشا قالپىنا كەلتىرۋ جۇمىستارىن 4 جول بريگاداسى اتقارىپ جاتىر. 90 شارشى مەتر توسەم, 120 مەتر جيەك جانە 37 جول ليۋگى قالپىنا كەلتىرىلدى. تاس توسەمدى قالپىنا كەلتىرۋدى 13 قاڭتارعا دەيىن اياقتاۋ جوسپارلانعان. ەكى بريگادا ماشينالار مەن وت جاعاتىن جەرلەردە جول جابىنىن تازارتۋعا كىرىستى. سونىمەن قاتار ايالداما پاۆيلوندارى دا ب ۇلىنگەن. بارلىعى 43 پاۆيلون زاقىمدالىپ, 17-ءىنىڭ اينەكتەرى تۇگەل سىنعان. جەكە كومپانيالار دا قالپىنا كەلتىرۋگە كىرىستى, بۇگىندە 2 پاۆيلون جوندەلدى.
الدىن الا ەسەپ بويىنشا 100-گە جۋىق ۆەلوسيپەد جوعالعان, 220-سى جوندەۋدى قاجەت ەتەدى, 20 ستانسا بۇلىنگەن. جوندەۋ, قالپىنا كەلتىرۋ جۇمىستارى باستالدى, سونداي-اق زالالدى باعالاۋ جۇمىستارى ءجۇرىپ جاتىر.
دۇيسەنبىدەن باستاپ ساۋدا نىساندارى اشىلۋدا. الماتىدا بارلىعى 52 بازار بار. بيىلعى 10 قاڭتاردا 10 بازار اشىلدى قالعان ازىق-ت ۇلىك جانە ازىق-ت ۇلىكتىك ەمەس بازارلار بۇگىن جۇمىسىن باستايدى. زارداپ شەككەن نىساندار انىقتالعان جوق.
قالا بويىنشا 220 اجقس-نىڭ 121-ءسى (55%) اشىلدى. پوليتسيا دەپارتامەنتىمەن بىرلەسىپ وبەكتىلەردىڭ قاۋىپسىزدىگى قامتاماسىز ەتىلەدى. 13 قاڭتاردان باستاپ قوسىمشا 33 جەلىلىك ەمەس جەكە اجقس (15%) جانە 5 جەلىلىك اجقس (2%) اشۋ جوسپارلانىپ وتىر. تج كەزىندە 61 نىسان (28%) زارداپ شەكتى, ونىڭ 1-ەۋى (الاتاۋ اۋدانى, رىسقۇلوۆ اۋماعى, شكولنايا اۋماعى) تولىعىمەن جانىپ كەتتى, 15-ءى قاتتى زارداپ شەكتى, 45-ءى ءىشىنارا زارداپ شەكتى.
الماتى قالاسىندا 92 ءىرى ساۋدا نىسانى بولسا, ونىڭ 63-ءى ساۋدا ورتالىقتارى مەن ساۋدا ۇيلەرى. 12 قاڭتاردان باستاپ 6 سوو اشىلۋعا دايىن. 14 نىساندى قايتادان كۇردەلى جوندەۋدەن وتكىزىپ, جاڭارتۋعا تۋرا كەلەدى. «ەسەنتاي مولل» جانە «مەگا الما-اتا», روزىباكيەۆا), «مەگا پارك» (سەيفۋللين) قالاداعى جاعدايدىڭ تۇراقتانۋىن كۇتىپ وتىر
الماتى قالاسىندا 3,1 مىڭ قوعامدىق تاماقتانۋ ورنى بولسا, مەيرامحانالار سانى – 699, كافەلەر – 1 356, بارلار – 567 جانە 478 اسحانا مەن جىلدام تاماقتانۋ ورىندارىنىڭ 312-ءسى ساعات 09.00-دەن 18.00-گە دەيىن عانا اشىلدى. 2022 جىلعى 11 قاڭتاردان باستاپ تاعى دا 450 قوعامدىق تاماقتانۋ نىسانىن (قالعان جەلىلىك جانە جەكە-دارا) اشۋ جوسپارلاندى. ب ۇلىكشىلەر قولىنان بارلىعى 15 قوعامدىق تاماقتانۋ ورنى زارداپ شەكتى.
الماتىدا ونەركاسىپ نىساندارىنىڭ دا جۇمىسى قالپىنا كەلتىرىلۋدە. بۇگىنگى تاڭدا 120 كاسىپورىننىڭ 76-سى جۇمىس ىستەيدى. 44 كاسىپورىندى 11-19 قاڭتار ارالىعىندا ىسكە قوسۋ جوسپارلانىپ وتىر. دەسترۋكتيۆتى تۇلعالاردىڭ ارەكەتتەرىنەن 2 كاسىپورىن – «برب اپك» جشس جانە «ليبەللا بوتتلەرس» زارداپ شەكتى, زالال ەسەپتەلىنىپ جاتىر.
قالادا 12 قاڭتاردان باستاپ بارلىق مارشرۋت, ونىڭ ىشىندە قالا ماڭى مارشرۋتتارى دا جولعا شىقتى.
الماتى
