الماتىداعى جاعدايدى ۇيالى تەلەفوندارىنا تۇسىرگەن 3 جاس جىگىت تۇركىستان وبلىسىنداعى بلوك بەكەتتەردەن وتەتىن كەزدە قولعا ءتۇستى. ماسەلەنىڭ ءمان-جايىن تۇركىستان وبلىسى پوليتسيا دەپارتامەنتىنىڭ ءباسپاسوز قىزمەتى ءتۇسىندىردى.
قازىعۇرت اۋداندىق پوليتسيا ءبولىمى قىزمەتكەرلەرى الماتى-تەرمەز-تاشكەنت تاس جولىنداعى اقتاس بلوك بەكەتىندە «تويوتا» ماركالى اۆتوكولىكتە بولعان سارىاعاش جانە كەلەس اۋداندارىنىڭ 3 تۇرعىنىن ۇستاعان. تەكسەرۋ كەزىندە جەدەل ۋاكىلدەر كولىكتەن تاپانشا تاپقان.
اتالعان فاكتى قىلمىستىق كودەكستىڭ 287-بابى «قارۋدى, وق-دارىلەردى, جارىلعىش زاتتار مەن جارىلعىش قۇرىلعىلاردى زاڭسىز ساتىپ الۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ» بويىنشا تىركەلگەن. كۇدىكتىلەردىڭ بارلىعى قامالعان. بۇگىندە سوتقا دەيىنگى تەرگەۋ امالدارى جۇرگىزىلۋدە.
