بىرقاتار وڭىردە راديكالدى مىنەز تانىتىپ وتىرعاندار تارتىپسىزدىك جاساعانىنا توقتالعان ەلوردا اكىمى, ولار قالالاردىڭ ينفراقۇرىلىمىنا, بيزنەس نىساندارىنا زالال كەلتىرگەنىن, تۇرعىندار ءومىرى مەن دەنساۋلىعىنا قاۋىپ توندىرگەنىن اتاپ ءوتتى.
«وسى كۇندەرى دەسترۋكتيۆتى كۇشتەردىڭ ۇندەۋلەرىن ءبىزدىڭ قالادا دا بايقاپ وتىرمىز. قۇقىق قورعاۋ ورگاندارى بارلىق فاكتىلەردىڭ جولىن كەسىپ جاتىر. پوليتسيا دەپارتامەنتى مەن باسقا دا كۇش قۇرىلىمدار كۇشەيتىلگەن جۇمىس رەجيمىنە كوشىرىلدى», دەدى اكىم.
وسى ورايدا ول ەلوردادا توتەنشە جاعدايدىڭ كۇشىندە بولۋى كەزەڭىندە 23 ساعات 00 مينۋتتان 7 ساعات 00 مينۋتقا دەيىن كومەندانتتىق ساعات ەنگىزىلگەنىن ەسكە سالدى. توتەنشە جاعداي رەجيمى 19 قاڭتارعا دەيىن جالعاسادى.
قالادا ءتارتىپتى ورناتۋ مەن قاۋىپسىزدىكتى قامتاماسىز ەتۋ بويىنشا جەدەل شتاب جۇمىس ىستەپ تۇر. قالا اكىمى تۇرعىندارعا ادامدار كوپ جينالاتىن جەرلەرگە بارماۋعا, دەسترۋكتيۆتى كۇشتەردىڭ ۇندەۋىنە ەرمەۋگە جانە زاڭسىز جينالىستارعا بارماۋعا شىقىردى.
قاۋىپسىزدىك ماقساتىندا مەكتەپ وقۋشىلارى ءۇشىن كانيكۋل 17 قاڭتارعا دەيىن, ۋنيۆەرسيتەت پەن كوللەدج ستۋدەنتتەرىنە 24 قاڭتارعا دەيىن ۇزارتىلدى. قالاداعى بانكتەر مەن حالىققا قىزمەت كورسەتۋ ورتالىقتارىنان باسقا نىساندار, سونداي-اق قوعامدىق كولىكتەر شتاتتىق رەجيمدە جۇمىس ىستەپ جاتىر.
«ەگەر دە تۇرعىندارعا قاۋىپ تونگەن جاعدايدا قوسىمشا ءىس-شارالار كۇشەيتىلەدى. ولار تۋرالى بارلىق اقپاراتتى قالا كومەنداتى جاريالايدى. مۇنىمەن قوسا, بىزدە كۇردەلەنىپ بارا جاتقان ەپيدەميولوگيالىق احۋالدى دا ۇمىتپاۋ كەرەك», دەدى التاي كولگىنوۆ.
