«قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى مەن قازاقستان ۇلتتىق بانكى بىرقاتار وڭىردە كۇش قۇرىلىمدارىنىڭ كونترتەرروريستىك وپەراتسيا جۇرگىزۋىنە جانە ينتەرنەت جۇيەسىندەگى ۋاقىتشا ىركىلىستەرگە بايلانىستى, سونداي-اق, قىزمەتكەرلەر مەن قارجى قىزمەتتەرىن تۇتىنۋشىلاردىڭ قاۋىپسىزدىگى ءۇشىن بارلىق قارجى ۇيىمدارىنىڭ سونىڭ ىشىندە ەكىنشى دەڭگەيلى بانكتەردىڭ قازاقستان قور بيرجاسىنان, باعالى قاعازداردىڭ ورتالىق دەپوزيتاريىنىڭ جۇمىسىن 2022 جىلعى 6 قاڭتاردا ۋاقىتشا توقتاتۋ قاجەتتىگى تۋرالى حابارلايدى», دەدى ۇلتتىق بانكتىڭ ءباسپاسوز حاتشىسى «حابار-24» تەلەارناسىنا بەرگەن رەسمي مالىمەتىندە.
سونداي-اق ول بارشا باق وكىلدەرىن تەك رەسمي اقپارات كوزدەرىنە سۇيەنۋگە شاقىردى.
«قر قارجى نارىعىن رەتتەۋ جانە دامىتۋ اگەنتتىگى مەن قازاقستان ۇلتتىق بانكى ازاماتتار مەن باق وكىلدەرىن تەك رەسمي اقپارات كوزدەرىنە سۇيەنۋگە شاقىرادى», دەدى ولجاس رامازانوۆ.
