بۇل تۋرالى بەلتا اقپاراتتىق اگەنتتىگى ءمالىم ەتتى.
حابارلانعانداي, كەشە كۇندىز ليوزنوە اۋدانىندا م8 تاس جولىندا تۋريستىك اۆتوبۋس پەن جەڭىل كولىك سوقتىعىسقان. جەڭىل كولىك جۇرگىزۋشىسى باسقا كولىكتى باسىپ وزباق بولعاندا قارسى جولاققا شىعىپ, ەكسكۋرسيالىق اۆتوبۋسقا سوعىلعان. اۆتوبۋس اۋدارىلىپ قالعان.
جول اپاتىنان جەڭىل كولىك جۇرگىزۋشىسى قازا تاپتى, اۆتوبۋس جولاۋشىلارى مەن جۇرگىزۋشىسى اۋرۋحاناعا جەتكىزىلدى. زارداپ شەككەندەر اراسىندا 2018 جىلعى ءبىر بالا بار, ونىڭ جاعدايى جاقسى. اۆتوبۋستا 42 ادام بولعان, سونىڭ ىشىندە 40-ى – ەكسكۋرسياعا كەلگەن رەسەي ازاماتتارى. دارىگەردىڭ كومەگى بارىنە قاجەت بولدى.
قازىر زارداپ شەگۋشىلەر ۆيتەب وبلىستىق كلينيكالىق اۋرۋحاناسىندا جاتىر. بەسەۋىنىڭ ومىرتقاسى سىنىپ, اۋىر حالدە. 18 پاتسيەنتتىڭ جاعدايىن دارىگەرلەر ورتاشا اۋىر دەپ باعالادى. قالعانى جەڭىل جاراقات العان. كەيبىرىنە پسيحولوگتىڭ كومەك بەرگەن.
