كەم دەگەندە ءۇش اپتا, كەشكى ساعات 9-دان تاڭعى بەسكە دەيىن ازاماتتار دالەلدى سەبەپتەرسىز كوشەگە شىقپاي, ۇيدە بولۋعا مىندەتتى. سونىمەن قاتار, بۇقارالىق ءىس-شارالارعا جانە مەيرامحانالارعا, كينوتەاترلارعا, مۇراجايلارعا جانە باسقا دا قوعامدىق ورىندارعا بارۋعا شەكتەۋلەر ەنگىزىلدى.
مارسەلدەگى ەڭ ۇلكەن اۋرۋحانالاردىڭ ءبىرىنىڭ قىزمەتكەرلەرى ۇلكەن جۇمىس كولەمىنەن قاتتى شارشاعانىنا قاراماستان, كىشكەنتاي جاڭا جىلدىق كەشكى اس ۇيىمداستىرۋعا شەشىم قابىلدادى. تاعامدار ءمازىرى مەن سۋسىنداردى ناۋقاستار مەن ولاردىڭ تۋىستارى ازىرلەپ اكەلدى.
كيپر بيلىگى كەلەسى اپتادان باستاپ ماڭىزدى شەكتەۋلەر ەنگىزۋ مۇمكىندىگىن قاراستىرۋدا. ارالدىڭ گرەك بولىگىندە كوۆيدتى جۇقتىرۋ جىلدامدىعى ءبىر ايدا سەگىز ەسە ءوسىپ, كۇنىنە بەس مىڭ جاڭا جاعدايدان اسادى.
ليسسابون پورتىندا كرۋيزدىك كەمە ەكيپاجىنىڭ 50-دەن استام مۇشەسىنەن كوروناۆيرۋس انىقتالدى. پورتۋگاليا بيلىگى كەمەنى توقتاتۋعا شەشىم قابىلدادى. ناتيجەسىندە, 3000 جولاۋشى جاڭا جىلدى كەرەمەت لاينەردە ەمەس, وقشاۋلانعان جاعالاۋدا قارسى الدى.
گەرمانياداعى شتۋتگارت قالاسىندا پوليتسيا ۆاكتسيناتسيا مەن كوروناۆيرۋستىق شەكتەۋلەرگە قارسى سانكتسيالانباعان نارازىلىق اكتسياسىنا قاتىسقان بىرنەشە ادامدى ۇستادى. قۇقىق قورعاۋ ورگاندارىنىڭ قىزمەتكەرلەرى جاساعان ەسكەرتۋلەرگە قاراماستان, مانيفەستاتسياعا 100-گە جۋىق بەلسەندى جينالدى.
