وتىرىستى اشقان سەرىك شاپكەنوۆ مۇمكىندىگى شەكتەۋلى جانداردى الەۋمەتتىك قورعاۋ سالاسىنداعى مەملەكەتتىك ساياسات حالىقتىڭ وسى ساناتىنىڭ قوعامعا تولىققاندى ينتەگراتسيالانۋىنا جانە باسقالارمەن تەڭدەي ءومىر ءسۇرىپ, جۇمىس ىستەپ, ءبىلىم الۋى, قوعام ومىرىنە ەركىن قاتىسۋى, بەلگىلى ءبىر شەشىمدەر قابىلداۋى جانە ت. ب. ءۇشىن كەدەرگىلەردى ەڭسەرۋگە, جويۋعا باعىتتالعانىن اتاپ ءوتتى.
«قازاقستاندا مۇگەدەكتىگى بار ادامداردىڭ قۇقىقتارى مەن زاڭدى مۇددەلەرىن قامتاماسىز ەتۋ ءۇشىن الەۋمەتتىك قورعاۋدىڭ كوپ دەڭگەيلى جۇيەسى جۇمىس ىستەيدى. وعان مىنالار كىرەدى: الەۋمەتتىك جاردەماقىلار مەن تولەمدەر تۇرىندەگى مەملەكەتتىك كومەك پەن قولداۋ; الەۋمەتتىك وڭالتۋ اياسىندا اعزانىڭ جوعالتقان فۋنكتسيالارىنىڭ ورنىن تولتىرۋ; ارناۋلى الەۋمەتتىك قىزمەتتەر كورسەتۋ», دەدى مينيستر.
ءىس-شارا بارىسىندا قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى رۋسلان ساكەەۆ حالىقتى الەۋمەتتىك قورعاۋ سالاسىنداعى زاڭنامانى جەتىلدىرۋ تۋرالى بايانداما جاسادى.
«2019 جىلى ۇكىمەت مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە تۇرمىس ساپاسىن جاقسارتۋ جونىندەگى ۇلتتىق جوسپاردى بەكىتتى, ول 7 باعىتتى قامتيدى جانە 64 ءىس-شارادان تۇرادى. جوسپاردى جەتى ورتالىق مەملەكەتتىك ورگان جۇزەگە اسىرادى», دەپ ەسكە سالدى ر. ساكەەۆ.
ەڭبەك ءمينيسترى ۇلتتىق جوسپاردى ىسكە اسىرۋ شەڭبەرىندە مۇگەدەكتىگى بار ادامداردىڭ قۇقىقتارى مەن الەۋمەتتىك قورعالۋىن قامتاماسىز ەتۋ جونىندەگى زاڭنامانى جەتىلدىرۋدە.
«سوڭعى ەكى جىلدا وسى باعىتتا ءبىز 1 كودەكستى, 2 زاڭدى, پرەزيدەنتتىڭ 1 جارلىعىن, ۇكىمەتتىڭ 2 قاۋلىسىن, ۇلتتىق بانك باسقارماسىنىڭ 1 قاۋلىسىن, مينيسترلىكتەردىڭ 12 بۇيرىعىن ازىرلەۋ جانە وزگەرىستەر ەنگىزۋ بويىنشا جۇمىس جۇرگىزدىك. 12 قازاندا مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ازاماتتاردىڭ جەكەلەگەن ساناتتارىن الەۋمەتتىك قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى. بۇل قۇجات بويىنشا جۇمىس 2019 جىلى باستالدى. ونىڭ نەگىزىندە پارلامەنت سەناتى مەن ءماجىلىسىنىڭ جۇمىس توبى مۇشەلەرىنىڭ, مۇگەدەكتەردىڭ قۇقىقتارىن قورعاۋ ماسەلەلەرى جونىندەگى ۇيلەستىرۋ كەڭەسىنىڭ, سونداي-اق جۇرتشىلىق پەن ساراپتاما قوعامداستىعىنىڭ ۇسىنىستارى بار. بۇل نورمالاردى «Nur Otan» پارتياسى قولدادى جانە ولار سايلاۋالدى تۇعىرنامادا كورىنىس تاپتى», دەدى رۋسلان ساكەەۆ.
ۆيتسە-مينيستر زاڭ 19 تۇجىرىمدامالىق تۇزەتۋدەن تۇراتىنىن جانە 16 زاڭنامالىق اكتىگە وزگەرىستەر ەنگىزۋدى قاراستىراتىنىن اتاپ ءوتتى.
ماسەلەن, مۇگەدەكتىكتىڭ سەبەبىنە قاراماستان, I توپتاعى مۇگەدەكتىگى بار ادامدارعا كۇتىمدى جۇزەگە اسىراتىن ازاماتتار ءۇشىن جاردەماقى ەنگىزىلدى. بالانىڭ دەنساۋلىعىنىڭ بۇزىلۋ جانە تىرشىلىك ارەكەتىنىڭ شەكتەلۋ دارەجەسىن ەسكەرە وتىرىپ, زاڭدا 7 جاستان 16 جاسقا دەيىنگى بالالاردى مۇگەدەكتىك توپتارى بويىنشا ءبولۋ كوزدەلەدى. بۇل شارا كورسەتىلەتىن وڭالتۋ ءىس-شارالارى مەن الەۋمەتتىك كومەكتى, ونىڭ ىشىندە بالالار اۋرۋىنىڭ اۋىرلىق دارەجەسىنە قاراي جاردەماقىلار مولشەرى بولىگىندە سارالاۋعا مۇمكىندىك بەرەدى.
بۇل رەتتە مۇمكىندىگى شەكتەۋلى بالالاردىڭ بارلىق توپتارى ءۇشىن جاردەماقى مولشەرى 16,7%-دان 37%-عا دەيىن ۇلعايتىلدى. بۇل شارا 30 مىڭنان استام مۇگەدەكتىگى بار بالاعا قاتىستى بولدى.
سونداي-اق زاڭدا مۇگەدەكتىگى بويىنشا جانە اسىراۋشىسىنان ايىرىلۋ جاعدايى بويىنشا جاردەماقىلاردى ءبىر مەزگىلدە الۋ قۇقىعىن بەرۋ كوزدەلەدى. بۇل اسىراۋشىسىنان ايىرىلعان جانە قۇرامىندا مۇگەدەكتىگى بار بالالارى بار وتباسىلاردىڭ تابىس دەڭگەيىن ارتتىرۋعا مۇمكىندىك بەردى. سونىمەن قاتار زاڭدا مۇگەدەك بالاعا كۇتىم جاساۋ كەزەڭىن 18 جاسقا دەيىن ۇزارتۋ كوزدەلگەن, بۇل جاسىنا بايلانىستى زەينەتاقى تولەمدەرى مەن بازالىق زەينەتاقىنى تاعايىنداۋعا وڭ اسەرىن تيگىزەدى.
ارناۋلى الەۋمەتتىك قىزمەتتەر كورسەتۋدىڭ تيىمدىلىگى مەن اتاۋلىلىعىن ارتتىرۋعا باعىتتالعان وزگە دە نورمالار قوسىمشا ەنگىزىلدى. ءىس-شاراعا ورتالىق مەملەكەتتىك ورگاندار مەن مۇگەدەكتىگى بار ادامداردىڭ قوعامدىق ۇيىمدارىنىڭ وكىلدەرى قاتىستى.
بەينەبايلانىس رەجيمىندە كەڭەسكە 14 وبلىس, نۇر-سۇلتان, الماتى جانە شىمكەنت قالالارى اكىمدەرىنىڭ ورىنباسارلارى, قر پارلامەنتى سەناتىنىڭ دەپۋتاتى اقمارال ءالنازاروۆا, قر پارلامەنتى ءماجىلىسىنىڭ دەپۋتاتى اسقار بەيسەنباەۆ, قر ادام قۇقىقتارى جونىندەگى ۋاكىل ەلۆيرا ءازىموۆا, قر بالا قۇقىقتارى جونىندەگى ۋاكىل ارۋجان ساين, بۇۇ دامۋ باعدارلاماسى مەن بۇۇ بالالار قورىنىڭ (UNDPA, UNISEF) وكىلدەرى قوسىلدى.
