الماتى پوليتسياسىندا وقيعانىڭ ەگجەي-تەگجەيى ايتىلدى.
«الماتى قالاسىنىڭ پوليتسيا دەپارتامەنتى 1979 جىلى تۋعان ازاماتشا ءوز-وزىنە قول جۇمساعانىن راستايدى. قازىرگى ۋاقىتتا جەتىسۋ اۋداندىق پوليتسيا باسقارماسى قر قك 105-بابى بويىنشا سوتقا دەيىنگى تەرگەۋ جۇرگىزۋدە. ءمان-جايلار انىقتالۋدا», دەپ حابارلادى پوليتسيادان.
ەسكە سالا كەتسەك, بالالارعا قاتىستى قاتىگەز بەينەبايان الەۋمەتتىك جەلىلەردە جاريالاندى. جاريالانىمنىڭ اۆتورى ازاپتالعان بالالاردىڭ ەرىندەرى زاقىمدالىپ, وقتاۋ سوققىلارىنان قالعان كوپتەگەن گەماتومالار بولعان دەيدى. پوليتسيا دەپارتامەنتى بۇل فاكتى قىلمىستىق كودەكستىڭ 140-بابىنىڭ 2-بولىگى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندە تىركەلگەنىن حابارلادى.
ءبىراز ۋاقىتتان كەيىن بولعان وقيعانىڭ ءمان-جايى انىقتالدى. ايەل بۇل بالاباقشادا شامامەن ەكى جىل جۇمىس ىستەدى, سول ۋاقىت ىشىندە ونىڭ جۇمىسىنا قاتىستى ەشقانداي شاعىمدار بولعان جوق. Almaty.tv ارناسىنىڭ رەپورتاجىندا حابارلانعانداي, اتا-انالاردىڭ شاعىمىنان كەيىن مۇعالىم قىزمەتىنەن قۋىلدى.
