«بۇگىنگە دەيىن پرەزيدەنتتىك جاستار كادرلىق رەزەرۆىنە الىنعان جاستاردىڭ 63%-ى جۇمىسپەن قامتىلعان. قالعاندارىنىڭ ءوز جۇمىستارى بار. ولار ءبىز ۇسىنعان لاۋازىمداردان باس تارتتى. جالپى, ولاردىڭ كوبىندە جۇمىسى بار», دەدى اگەنتتىك باسشىسى.
سونداي-اق ول كادرلىق رەزەرۆتەگى جاستار 5 جىل بويى اگەنتتىكتىڭ نازارىندا بولاتىنىن ءتۇسىندىردى.
«ونىڭ ۇستىنە ولار رەزەرۆتە بەس جىل بولادى. ياعني, ءالى ۋاقىت بار. ءبىز بۇل باعىتتا ءالى دە جۇمىس ىستەيمىز. وسى ۋاقىت ىشىندە ۇسىنىلعان جۇمىستاردىڭ ءبىرىن تاڭداپ جاتسا, جۇىمىسقا ورنالاستىرامىز. كوپ جاعدايدا وزدەرى باس تارتادى. ويتكەنى بۇرىننان جاقسى جۇمىستارى بار. مىسالى, كەيبىرى استانا حالىقارالىق قارجى ورتالىعىندا, «حالىق بانكتە» جۇمىس ىستەيدى», دەدى انار جايىلعانوۆا ورتالىق كوممۋنيكاتسيالار قىزمەتىندە وتكەن بريفينگىدە.
