4 جىل ىشىندە نۇر-سۇلتان قالاسىنىڭ مونيتورينگ جانە جەدەل ارەكەت ەتۋ ورتالىعى 109 بىرىڭعاي ءنومىرلى كولل-ورتالىقتان قالا تۇرعىندارى مەن بيلىگى اراسىنداعى بىرىڭعاي جەدەل بايلانىس جۇيەسىنە اينالدى. سونىمەن قاتار iKOMEK ورتالىعى تاۋلىك بويى قالانىڭ قاۋىپسىزدىگىن قامتاماسىز ەتەدى, كوممۋنالدىق كاسىپورىنداردىڭ كولل-ورتالىقتارىن بىرىكتىرەدى جانە تۇرعىنداردىڭ وتىنىشتەرى مەن ۇسىنىستارىن وڭدەۋگە مۇمكىندىك بەرەدى.
بۇگىنگى تاڭدا iKOMEK مەملەكەت باسشىسى قاسىم-جومارت توقاەۆتىڭ «حالىق ۇنىنە قۇلاق اساتىن مەملەكەت تۇجىرىمداماسىنىڭ», سونداي-اق ەلوردا اكىمدىگى جۇمىسىنىڭ تسيفرلىق ترانسفورماتسياسىنىڭ پراكتيكالىق ۇلگىسىنە اينالدى. ەلوردانىڭ ءاربىر تۇرعىنى نەمەسە قوناعى ءوزىن قىزىقتىراتىن بارلىق ماسەلەلەر, شاعىمدار, ۇسىنىستار بويىنشا نەمەسە شۇعىل كومەك الۋ ءۇشىن ورتالىققا 109 ءنومىرى بويىنشا, الەۋمەتتىك جەلىلەر, چات-بوتتار نەمەسە ءموبيلدى قوسىمشا ارقىلى حابارلاسا الادى.
ورتالىقتى ازىرلەۋشىلەردىڭ تسيفرلىق شەشىمدەرى اكىمدىك پەن قالالىق قىزمەتتەر جۇمىسىنىڭ تيىمدىلىگىن جىلدان جىلعا ارتتىرىپ كەلەدى. مىسالى, BIG DATA تەحنولوگياسى نەگىزىندە قۇرىلعان «قالانىڭ جۇيەلىك پروبلەمالارىنىڭ رەيتينگى» ەلوردانىڭ 79 جۇيەلىك پروبلەماسىن انىقتادى, ونىڭ 49-ى بۇگىنگى كۇنى شەشىلدى. قالالىق قىزمەتتەردىڭ جۇمىسىن قاداعالاۋ مەن مونيتورينگىلەۋدىڭ بارلىق پروتسەسى اۆتوماتتاندىرىلعان, تالدامالىق جۇيە ينتسيدەنتتەردىڭ جۇيەلىلىگى مەن ماڭىزدىلىعى نەگىزىندە پروبلەمالاردى ءوز بەتىنشە انىقتايدى.
سونىمەن قاتار iKOMEK ەلوردادا قالا بويىنشا, ادامدار كوپ جينالاتىن جەرلەردە, سونىڭ ىشىندە مەكتەپتەردە, بالاباقشالاردا, جولدار مەن اۋرۋحانالاردا ورناتىلعان 16 مىڭ بەينەباقىلاۋ كامەراسىنىڭ كومەگىمەن قاۋىپسىزدىكتى قامتاماسىز ەتەدى.
2021 جىلدىڭ باسىنان باستاپ iKOMEK قىزمەتكەرلەرى 38 ميلليون تەڭگە سوماسىنا 16 000-نان استام اكىمشىلىك قۇقىق بۇزۋشىلىقتى انىقتادى. قۇقىق قورعاۋ ورگاندارىنا 100-دەن استام قىلمىستى اشۋعا كومەك كورسەتىلدى. قالالىق پد ەكولوگيالىق پوليتسيا بولىمىمەن بىرلەسىپ سانكتسيالانباعان قوقىس ۇيىندىلەرىن انىقتاۋ بويىنشا جۇمىس جۇرگىزىلۋدە, ولار ەلوردانىڭ ەكولوگياسىنا تەرىس اسەر ەتەدى.
سونداي-اق وپەراتورلار قالالىق بەينەباقىلاۋ جۇيەسى ارقىلى مەزگىلسىز قاردان, سۋ تاسقىنى مەن جاڭبىر كەزىندە سۋ باسۋ فاكتىلەرىن, اشىق قۇدىقتاردى جانە تكش سالاسىنداعى باسقا دا وقيعالاردى انىقتادى.
4 جىل ىشىندە قالا تۇرعىندارىنان 7,5 ميلليونعا جۋىق ءوتىنىش قابىلدانىپ, پىسىقتالدى, ولاردىڭ 86,6%-ى ءبىرىنشى قوڭىراۋدان باستاپ شەشىلدى. جىل سايىن iKOMEK سەرۆيسىن ەلوردانىڭ 800 مىڭعا جۋىق تۇرعىنى پايدالانادى. ەلوردا اكىمدىگىنىڭ كەڭسەسىنە تۇرعىنداردان تۇسكەن وتىنىشتەر سانى 21%-عا قىسقاردى.
IKOMEK قالالىق ورتالىعىنىڭ باسشىسى جانە تۇجىرىمدامانى ازىرلەۋشى جاننات دۋبيروۆا اتاپ وتكەندەي, IKOMEK-ءتىڭ باستى جەتىستىگى قالا تۇرعىندارىنىڭ ەلوردانى دامىتۋعا تارتىلۋىن ارتتىرۋ بولىپ تابىلادى. بۇعان جىل سايىن ارتىپ كەلە جاتقان وتىنىشتەردىڭ سانى دالەل.
«iKOMEK - بۇل قالا تۇرعىندارىنىڭ پىكىرلەرى مەن شاعىمدارىن تىڭدايتىن, نۇر-سۇلتاننىڭ ءاربىر تۇرعىنى ءوزىن قاۋىپسىز جانە جايلى سەزىنۋى ءۇشىن ولاردىڭ پروبلەمالارىن جەدەل شەشەتىن مەملەكەتتىڭ كومەكشىسى», دەپ اتاپ ءوتتى جاننات دۋبيروۆا.
109 تەلەفون ءنومىرى بويىنشا بۇگىنگى تاڭدا قالاداعى 1000-نان استام ۇيىم بىرىكتىرىلگەن. جىل سايىن 4 ميلليونعا جۋىق Push-حابارلاما تۇرعىندارعا ikomek109 ءموبيلدى قوسىمشاسى نەمەسە Telegram-داعى چات-بوت ارقىلى ساباقتاردىڭ بولماۋى, اۆاريالىق جانە جوندەۋ جۇمىستارى, جولداردىڭ جابىلۋى/اشىلۋى تۋرالى كەلىپ تۇسەدى.
ەسكە سالا كەتسەك, iKOMEK قالالىق ورتالىعى 2017 جىلعى 26 جەلتوقساندا ەلوردا اكىمدىگىن ترانسفورماتسيالاۋدىڭ ءبىرىنشى كەزەڭى اياسىندا قۇرىلعان بولاتىن. ونىڭ جۇمىسىنىڭ نەگىزىنە اقش جانە كانادا قالالارىنىڭ ۇزدىك تاجىريبەسى الىنعان, وندا 311 قىزمەتى بارلىق شۇعىل ەمەس ماسەلەلەردى, 911 - قالانىڭ شۇعىل ماسەلەلەرىن بىرىكتىرەدى.
جىلدان جىلعا ورتالىق حالىقارالىق كونكۋرستار مەن پرەميالاردىڭ جەڭىمپازى اتانۋدا. ماسەلەن, iKOMEK109 ءۇش جىل قاتارىنان حالىقارالىق سall center Guru Awards بايقاۋىندا تمد-نىڭ 360 ۇيىمى اراسىندا بايلانىس ورتالىقتارى يندۋسترياسىنداعى ۇزدىكتەردىڭ ۇزدىگى اتانعان.
2019 جىلى ەل پرەزيدەنتى قاسىم-جومارت توقاەۆ iKOMEK ورتالىعىندا بولىپ, حالىقپەن بايلانىس ورناتۋ جانە ءتيىمدى كەرى بايلانىس ورناتۋ ءۇشىن مەملەكەتتىك ورگانداردىڭ زاماناۋي تسيفرلىق تەحنولوگيالاردى پايدالانۋىنىڭ ماڭىزدىلىعىن اتاپ ءوتتى. مەملەكەت باسشىسىنىڭ تاپسىرماسى بويىنشا iKOMEK ورتالىعىنىڭ انالوگتارى ەلىمىزدىڭ وڭىرلەرىندە ەنگىزىلۋدە.
