بۇل تۋرالى بريفينگتە مينيسترلەر كابينەتىنىڭ باس حاتشىسى حيروكازۋ ماتسۋنو حابارلادى.
«توكيو اقپان ايىندا باستالاتىن ويىندارعا ۇكىمەتتىك دەلەگاتسيانى جىبەرمەيدى», دەدى ول.
ماتسۋنونىڭ ايتۋىنشا, ونىڭ ورنىنا بيلىك وليمپياداعا تىكەلەي قاتىسى بار بىرنەشە شەنەۋنىكتى, سونىڭ ىشىندە ساياساتشى سەيكو حاشيموتو مەن ۇلتتىق وليمپيادا جانە پاراليمپيادا كوميتەتتەرىنىڭ باسشىلارىن جىبەرەدى.
سونىمەن بىرگە ساياساتكەر بەيجىڭدەگى ويىندارعا ۇكىمەتتىك شەنەۋنىكتەردى جىبەرمەۋ تۋرالى شەشىم ديپلوماتيالىق بويكوت ەمەس ەكەنىن اتاپ ءوتتى.
«مەنىڭ بىلۋىمشە, اقش جاريالاعان «ديپلوماتيالىق بويكوت» دەگەن ءسوزدى ءبىز قولدانبايمىز», دەپ ءتۇسىندىردى ول NHK تەلەارناسىندا.
ايتا كەتسەك, بەيجىڭدەگى 2022 جىلعى قىسقى وليمپيادا ويىندارى 4-20 اقپان ارالىعىندا, ال قىسقى پاراليمپيادا ويىندارى 4-13 ناۋرىز ارالىعىندا وتەدى. اقش ءبىرىنشى بولىپ وليمپيادا ويىندارىنا قاتىستى «ديپلوماتيالىق بويكوت» جاريالاۋعا شەشىم قابىلدادى. بۇعان دەيىن اۆستراليا, جاڭا زەلانديا, كانادا جانە ۇلىبريتانيا دا ديپلوماتتاردى ويىندارعا جىبەرمەۋگە شەشىم قابىلداعان بولاتىن.
بۇعان جاۋاپ رەتىندە قىتاي بيلىگى امەريكالىق ساياساتكەرلەر بەيجىڭدەگى قىسقى وليمپيادا ويىندارىنا بويكوت جاريالاۋعا شاقىرۋدى توقتاتپاسا «قارسى شارالار» قابىلدايتىنىن مالىمدەگەن بولاتىن.
