جوبانىڭ نەگىزگى ماقساتى جاستار اراسىندا سالاۋاتتى ءومىر سالتىن قالىپتاستىرۋ, سونداي-اق ناشاقورلىق پەن ەسىرتكى قىلمىسىنىڭ الدىن الۋ بولىپ تابىلادى. بايقاۋدىڭ ۇيىمداستىرۋشىسى نۇر-سۇلتان قالاسىنىڭ جاستار ساياساتى ماسەلەلەرى باسقارماسى بولدى.
جوبا بارىسىندا كونكۋرستىق كوميسسيا قۇرىلدى, ونىڭ قۇرامىنا: نۇر-سۇلتان قالاسىنىڭ پوليتسيا دەپارتامەنتى ناشاقورلىقتىڭ الدىن الۋ, ەسىرتكى بيزنەسىنە قارسى ءىس-قيمىل باسقارماسىنىڭ ۆەدومستۆوارالىق ۇيلەستىرۋ ءبولىمىنىڭ باستىعى يلينىح سەرگەي سەرگەەۆيچ, ناركولوگ-دارىگەر, پسيحيكالىق دەنساۋلىق ورتالىعىنىڭ پسيحياترى قويشىبەكوۆ توقتار تورەحان ۇلى, رەجيسسەر, پروديۋسەر ابدىعاپپار نياز, «ەسىرتكىسىز بولاشاق» كورپوراتيۆتىك قورىنىڭ اتقارۋشى ديرەكتورى جاندوس اقتاەۆ, قوعامدىق ۇيىمنىڭ باسشىسى مارات مۇحامەدجان ۇلى كىردى.
ەلوردالىق جاستاردان بايقاۋعا 76 بەينەروليك كەلىپ ءتۇستى, ولاردىڭ ىشىنەن 8 ۇزدىك بەينەروليك تاڭدالدى.
كونكۋرستىق كوميسسيانىڭ شەشىمىنە سايكەس:
1 ورىندى ابديەۆ شەرحان جانە عۇمار سۇلتانبەك الدى;
2 ورىن - اليبي مۋكۋشەۆ جانە التىناي باپانوۆا;
3 ورىن - ارمان سەرىكباي جانە بەكەن الەم; قوسىمشا جۇلدەلى ورىندار – نازەركە جۋكينا جانە تاڭشولپان نىسانبەك.
جەڭىمپازدار مىناداي مولشەردە اقشالاي قاراجات الدى:
1 ورىن - 300 مىڭ تەڭگە
2 ورىن - 250 مىڭ تەڭگە
3 ورىن - 200 مىڭ تەڭگە
قوسىمشا 2 ۇزدىك بەينەروليك 25 مىڭ تەڭگەدەن اقشالاي سىيلىققا يە بولدى.
