وبلىستىق پوليتسيا دەپارتامەنتى وقيعانىڭ 20 جەلتوقساندا جانگەلدين اۋدانىنىڭ تورعاي اۋىلىندا ماۋلەنوۆ-قۇلجانوۆ كوشەلەرىنىڭ قيىلىسىندا بولعانىن حابارلادى.
«Volkswagen Polo» اۆتوكولىگىن ايداعان 62 جاستاعى جۇرگىزۋشى 14 جاستاعى جەرگىلىكتى تۇرعىندى قاعىپ كەتتى. زارداپ شەگۋشى اۋداندىق اۋرۋحاناعا جەتكىزىلدى. كۋالاندىرۋ ناتيجەلەرى كورسەتكەندەي, جۇرگىزۋشى الكوگولدى ىشىمدىك ىشكەنى انىقتالدى», دەپ ءتۇسىندىردى قوستاناي وبلىسى پد ءباسپاسوز قىزمەتى.
جكو فاكتىسى بويىنشا قر قك 345-بابىمەن تىركەلىپ, قازىرگى ۋاقىتتا سوتقا دەيىنگى تەرگەۋ جۇرگىزىلۋدە.
«ساراپتاما تاعايىندالدى, ونىڭ ناتيجەلەرى بويىنشا ءىس جۇرگىزۋ شەشىمى قابىلداناتىن بولادى», دەپ قوستى پد ءباسپاسوز قىزمەتى.
وبلىستىق دەنساۋلىق ساقتاۋ باسقارماسى زارداپ شەگۋشىنىڭ قازىرگى جاعدايى تۋرالى ايتتى.
ء«جاسوسپىرىمنىڭ دياگنوزى - وڭ جاق گليۋتەالدى ايماقتىڭ جۇمساق تىندەرىنىڭ كوگەرۋى. ول جانگەلدين اۋداندىق اۋرۋحاناسىنا جەتكىزىلىپ, كەيىن ۇيىنە جىبەرىلدى. اۋىر دارەجەلى جاراقات جوق», دەدى قوستاناي وبلىسى دسب ءباسپاسوز قىزمەتى.
وبلىستىق ءبىلىم باسقارماسىنىڭ حابارلاۋىنشا, وقۋشى ءوز ۇيىندە.
پوليتسيا دەپارتامەنتىنىڭ اقپاراتى بويىنشا, ش. ءۋاليحانوۆ اتىنداعى مەكتەپ ديرەكتورىنا قاتىستى تەرگەۋ امالدارىن جۇرگىزىلۋدە. تەرگەۋ امالدارىنىڭ قورىتىندىسى بويىنشا پروتسەسسۋالدىق شەشىم قابىلدانادى.
سونداي-اق ۆەدومستۆو ديرەكتوردىڭ اۋرۋحانادا جاتقانىن اتاپ ءوتتى.
«ديرەكتور اۋرۋحانادان شىققاننان كەيىن ماسەلە ادەپ كەڭەسىندە قارالادى, ول قىزمەتىنەن بوساتىلۋى مۇمكىن», دەدى قوستاناي وبلىسى ۋو ءباسپاسوز قىزمەتى.
