كونفەرەنتسياعا قاتىسۋشىلار ەلوردانىڭ باستى جەتىستىكتەرى, ونىڭ 300 مىڭنان استام تۇرعىنى بار شاعىن قالادان دامىعان ينفراقۇرىلىمى بار مەگاپوليسكە دەيىنگى دامۋى جانە بارلىق ساياسي-ەكونوميكالىق جانە الەۋمەتتىك-مادەني پروتسەستەردى تارتۋ ورتالىعى تۋرالى ايتىپ بەردى.
«ەل تاۋەلسىزدىگىنىڭ 30 جىلدىعىن مەرەكەلەۋ اياسىندا ەلوردادا 1000-نان استام ءتۇرلى ءىس-شارالار, ونىڭ ىشىندە 300-دەن استام ءىرى ءىس-شارالار وتكىزىلدى. قالا 30 جىلدىق مەرەيتويىن جوعارى دەڭگەيدە اتاپ ءوتۋ ءۇشىن بار كۇشىن سالدى. ەلوردا ءبىلىم بەرۋ, قۇرىلىس سالاسىندا ۇلكەن جەتىستىكتەرگە جەتتى. تەك وسى جىلدىڭ وزىندە 3,2 ملن شارشى مەتردەن استام تۇرعىن ءۇي سالىندى, بۇل قالا ءۇشىن رەكورد. 15 مەكتەپ سالىندى, 13 مىڭ ۇلەسكەر ءوز باسپانالارىن الدى.
«30 يگى ءىس» اكتسياسى اياسىندا مۇقتاج ازاماتتارعا الەۋمەتتىك كومەك كورسەتىلدى, اتاپ ايتقاندا, 15 مىڭنان استام ازىق - ت ۇلىك سەبەتى تاراتىلدى», دەدى ءىس-شارانى اشا وتىرىپ, ەلوردانىڭ ىشكى ساياسات باسقارماسىنىڭ باسشىسى داۋرەن بابامۇراتوۆ.
سونداي-اق, ول ەلوردادا ءبىرىنشى حالىقارالىق تەاتر اپتالىعى وتكىزىلگەنىن, ەلىمىزدىڭ كورنەكتى قايراتكەرلەرىنە, سونىڭ ىشىندە الاشورداشىلارعا, دينا نۇرپەيىسوۆاعا, تالعات بيگەلدينوۆكە, ءابۋ ناسىر ءال-فارابيگە جانە ت.ب. بىرقاتار ەسكەرتكىشتەر اشىلعانىن ەسكە سالدى.
قوعام قايراتكەرى, پروفەسسور تولەگەن قۋانىشەۆ جاس استانانىڭ قالىپتاسۋ جىلدارىن ەسكە سالدى.
«بۇگىنگى تاقىرىپ – نۇر-سۇلتان قالاسىنىڭ دامۋى مەن جەتىستىگى. بىراق قانداي ساتتىلىك بولماسىن, ونىڭ الدىندا ءارتۇرلى تاريحي كەزەڭدەر بولادى. سول 1998 جىلدىڭ جەلتوقسانىندا ءبىرىنشى شاقىرىلعان دەپۋتاتتار قۇرامىندا ءبىز سول كەزدەگى اقمولا قالاسىنا كەلدىك. ءبىز كەلگەندە بۇل جەردىڭ تابيعاتى ەرەكشە بولدى, اقپاننىڭ ىزعارى. ول كەزدە قالادا ەكى قوناق ءۇي بولعان, ولاردىڭ ءبىرى ءبىز بارعان تۋريست. قالعان عيماراتتار اباي ەسكەرتكىشى تۇرعان جەردە ورنالاسقان. سول كۇندەرى بىزبەن بىرگە ەلىمىزگە بەلگىلى قايراتكەرلەر كەلدى. سودان كەيىن ءبىر ۇلكەن جينالىستا قالانى دامىتۋ, ونى قاي باعىتتا دامىتۋ تۋرالى ماسەلە كوتەرىلدى. ەلباسى نۇرسۇلتان ءابىش ۇلى نازارباەۆ قالامىزدىڭ سول جاعالاۋعا قاراي وسەتىنىن ايتتى. سودان كەيىن ونى ازاماتتار قولدادى جانە بۇگىن ءبىز بۇنىڭ وڭ شەشىم بولعانىن كورىپ ويىرمىز. سەبەبى جەر تەگىس, كوشەلەر كەڭ, ۇلكەن عيماراتتار سالۋ ءۇشىن كوپتەگەن مۇمكىندىكتەر بار», دەپ اتاپ ءوتتى تولەگەن قۋانىشەۆ.
كەزدەسۋ بارىسىندا نۇر-سۇلتان قالاسى اكىمدىگى دايىنداعان ءۇش كىتاپتىڭ تۇساۋى كەسىلدى. «نۇر – سۇلتان – تاۋەلسىزدىك تۇمارى»/»نۇر-سۇلتان – تاۋەلسىزدىك سيمۆولى», «تاريحي شەشىمدەر, تاعدىرلى بەلەستەر» باسىلىمدارى جانە «ەل جۇرەگى - نۇر-سۇلتان» اندەر جيناعى ەلوردانىڭ قالىپتاسۋ تاريحى تۋرالى اڭگىمەلەيدى.
ايتا كەتەيىك, «نۇر – سۇلتان – تاۋەلسىزدىك تۇمارى» جانە «نۇر-سۇلتان – تاۋەلسىزدىك سيمۆولى» كىتاپتارى «استانا اقشامى» جانە «ۆەچەرنيايا استانا» گازەتتەرىندە تاۋەلسىزدىكتىڭ 30 جىلى ىشىندە جارىق كورگەن ماتەريالدار نەگىزىندە جازىلعان. بۇل بەتتەر ارقىلى ەلىمىزدىڭ باس قالاسىنىڭ شەجىرەسىن بايقاۋعا بولادى.
