سەرىكقالي برەكەشەۆ مەملەكەت باسشىسىنا ەلىمىزدەگى ەكولوگيالىق احۋالدى جاقسارتۋ ءۇشىن قابىلدانىپ جاتقان شارالار مەن سۋ سالاسىن دامىتۋ جوسپارى تۋرالى باياندادى. 2025 جىلعا دەيىنگى «جاسىل قازاقستان» ۇلتتىق جوباسى اياسىندا ەلىمىزدىڭ 6 وبلىسىندا جالپى قۇنى 1,7 ميلليارد تەڭگە بولاتىن 9 سۋ قويماسى سالىنادى. سونداي-اق سۋ شارۋاشىلىعى كوميتەتىنىڭ, اۋماقتىق باسسەيندىك ينسپەكتسيالاردىڭ قىزمەتىن كۇشەيتۋ كوزدەلەدى.
كەزدەسۋ بارىسىندا گەولوگيا سالاسىن دامىتۋ ماسەلەلەرىنە ەرەكشە نازار اۋدارىلدى. ءمينيستردىڭ ايتۋىنشا, جەر قويناۋىنا جۇرگىزىلەتىن مەملەكەتتىك گەولوگيالىق زەرتتەۋ جۇمىستارى جانداندىرىلىپ جاتىر. شامامەن 684 شارشى شاقىرىم جەر قويناۋىن زەرتتەۋ جوسپارلانىپ وتىر. سونىمەن قاتار ۇلتتىق گەولوگيالىق قىزمەت قۇرىلادى.
پرەزيدەنتكە اۋقىمدى كوگالداندىرۋ جۇمىستارى جونىندەگى تاپسىرمانىڭ ورىندالۋ بارىسى تۋرالى ەسەپ بەرىلدى. سەرىكقالي برەكەشەۆ بيىل 62 مىڭ گەكتار جەرگە 130 ميلليون كوشەت ەگىلگەنىن ايتتى. بۇل باعىتتاعى جۇمىستار جالعاسا بەرەدى.
