ماقالاداعى: ء«بىزدىڭ جۇرت – تامىرىن جەتى قات جەر استىنا جىبەرگەن الىپ بايتەرەكتەي ءوزىنىڭ كۇش-قۋاتىن عاسىرلار بويى ۇلى دالا توسىنەن العان بايىرعى حالىق. بابالارىمىز بىزگە مۇرا قىلىپ ۇلان-عايىر جەر قالدىردى» دەگەن جولداردى وقىعاندا ساناما ەلباسىنىڭ: « ۇلى دالانىڭ جەتى قىرى» دەگەن تۇجىرىمداماسى ساپ ەتە قالدى.
جالپى, نۇرسۇلتان نازارباەۆ قازاقتىڭ كيەلى جەتى سانىن قاستەرلەي بىلەتىن جان. وسى جۋىردا عانا Nur Otan پارتياسى Cاياسي كەڭەسىنىڭ القالى جيىنىندا دا: «ەلدىكتىڭ جەتى تۇعىرى» اتتى قاعيداتتار جيىنتىعىن ۇسىنىپ تۇرىپ ول: «بۇل ەلباسى رەتىندەگى مەنىڭ جاس ۇرپاققا جولدار ۇندەۋىم», دەگەن ءسوزدى ايتىپ ەدى. بۇل جەتى تۇعىردا دا ەلباسىنىڭ كوپ نارسەنى ۇعىندىرعانىن حالىق جوعارى باعالاعانىن ءبىز جاقسى بىلەمىز.
مەن «تاۋەلسىزدىك تاعىلىمى» ماقالاسىن وقىپ وتىرىپ ەلباسىنىڭ بۇعان دەيىن تولعانا ايتقان « ۇلى دالانىڭ جەتى قىرى» مەن «ەلدىكتىڭ جەتى تۇعىرى» – تۋرالى تۇجىرىمدامالارىنىڭ ءبىر ارنادا توعىسىپ جاتقانىن سەزىندىم. سونداعى ايتىلعان ماسەلەلەردى جەكە-جەكە جىلىكتەپ كەلىپ جىبەرسەڭىز, ارقايىسىسىنىڭ ءوزى ءبىر-ءبىر الەم بولىپ شىعا كەلەرى ءسوزسىز.
ءيا, ايتىلعان ءاربىر ءسوزدىڭ استارىنا جەتە ءۇڭىلىپ, جەكە وي ورە ءبىلۋ كەرەك دەگەننەن شىعادى, ماقالادا ايتىلعان: ء«بىزدىڭ ەنشىمىزگە تاريحىمىزدا ءوز اۋقىمدىلىعى مەن قيىندىعى جونىنەن بۇرىن-سوڭدى بولىپ كورمەگەن جوبانى جۇزەگە اسىرۋ – سارىارقانىڭ تورىنە, ەركە ەسىلدىڭ بويىنا ەل قوندىرىپ, جاڭا دا اسەم ەلوردا سالۋ مارتەبەسى بۇيىردى» دەگەن سوزىنەن سوڭ, ءيا, نۇر-سۇلتان قالاسىن كوز الدىڭىزعا ەلەستەتىپ كورىڭىزشى. راس, وسى استانانى سوندا كوشىرۋدىڭ ءوزى وڭايشىلىقپەن كەلە قويعان جوق. ءبىز ونى جاقسى بىلەمىز. ارادا قانشا ءسوز, قانشا اڭگىمە كەتتى. ولاي ايتىلدى, بۇلاي ايتىلدى. بىراق ناتيجەسىندە بولاشاقتى الدىن الا ويلاي بىلگەن نۇرسۇلتان نازارباەۆ حالىقتى جەتە يلاندىرا وتىرىپ, ءوزىنىڭ تۇپكى ماقساتىنا جەتتى. وسى تۇستا مەن ەلباسىنىڭ ىزدەنىمپازدىعىنا بايلانىستى بۇل ەلوردانىڭ قاتارىنا تۇركىستان وبلىسىنىڭ ورتالىعى ەتىپ قۇرىلعان تۇركىستان قالاسىنىڭ بۇگىنگى كەرەمەت كەلبەتىن ەرەكشە اتاپ وتكەن بولار ەدىم.
مەن ن.نازارباەۆ جازبالارىن وقىپ وتىرىپ «ماڭگىلىك ەل» يدەياسىنىڭ جاسامپازدىعىنا ۇلكەن سەنىم ارتامىن. ءبىزدىڭ بۇل ومىردەگى باستى قۇندىلىعىمىز ول ءبىرىنشى اللا تاعالانىڭ قالاۋى, ەكىنشى نۇرسۇلتان نازارباەۆتىڭ ەرەكشە بەلسەندىلىگى مەن ويشىل ءىس-ارەكەت, ۇيىمداستىرۋ قابىلەتىنىڭ ارقاسىندا قول جەتكىزگەن تاۋەلسىزدىگىمىز. تاۋەلسىزدىكتى ماڭگىلىككە ساقتاپ قالۋ ءبىزدىڭ جانە بىزدەن كەيىنگى ۇرپاقتىڭ دا باستى بورىشى ەكەنىن ەستەن شىعارماۋىمىز كەرەك.
ءبىز باقىتتى ەلمىز. اينالامىزعا بارلاي قاراپ, شۇكىرشىلىكتە بولۋىمىز كەرەك. ەل امان, جۇرت تىنىش. ەلباسى تولعانا جازعان بەيبىتشىلىكتىڭ تۋىن ءبىز بارىنشا بيىككە كوتەرە ءتۇسۋىمىز كەرەك.
قىسقاسى, ءبىز ىنتىماعى جاراسقان, تاۋەلسىزدىگىمىز كەمەلدى, بەرەكە مەن باق قونعان ەلمىز. ەندىگى جەردە وسى بەرىك ىنتىماعىمىز بەن تاۋەلسىزدىگىمىزدى عۇمىرلى ەتىپ ساقتاپ قالۋ جولىندا كۇرەسە ءبىلۋىمىز كەرەك. ال ەل ۇلكەن سەنىم ارتىپ وتىرعان بۇگىنگى كۇننىڭ جاستارى ەلىمىزدىڭ وركەندەپ ءوسىپ, قاناتىن كەڭگە جايىپ, دامۋ جولىندا ەسەلى ەڭبەك ەتىپ, وزىنەن كەيىنگى ۇرپاقتى دا سوڭىنان سەنىمدى تۇردە ەرتە بىلۋگە ءتيىس.
ال ءبىز – ارداگەرلەر, ىزىمىزدەن ەرگەن سول وسكەلەڭ ۇرپاققا ءوز بىلگەنىمىز بەن ومىردەن كورىپ, تۇيگەن اقىل-كەڭەسىمىزدى, تاۋەلسىزدىك تاعىلىمىن ۇنەمى ۇزبەي ايتىپ جەتكىزىپ, ءتۇسىندىرىپ وتىرۋعا ءتيىسپىز.
سەرىكباي تۇرجان,
ەڭبەك ارداگەرى
تۇركىستان وبلىسى,
بايدىبەك اۋدانى
