ولاردى جۇمىسپەن قامتۋ ءۇشىن 764,7 مىڭ جاردەمدەسۋ شارالارى ۇيىمداستىرىلدى. ناتيجەسىندە 470,2 مىڭ ادام جۇمىسقا ورنالاستىرىلدى, ونىڭ 359 مىڭى تۇراقتى جۇمىسقا تۇردى.
باعدارلامانىڭ ءبىرىنشى باعىتى اياسىندا قىسقا مەرزىمدى كۋرستارعا 16,9 مىڭ ادام, تجكب بويىنشا وقۋعا 15 مىڭ ادام جىبەرىلدى.
8,4 مىڭ ادام ءوز ءىسىن اشۋ ءۇشىن جەڭىلدەتىلگەن ميكروكرەديتتەر, ال 28,2 مىڭ ادام قايتارىمسىز مەملەكەتتىك گرانت الدى.
سۋبسيديالاناتىن جۇمىس ورىندارىنا 177,8 مىڭ ادام جۇمىسقا ورنالاستىرىلدى. ونىڭ ىشىندە:
الەۋمەتتىك جۇمىس ورىندارىنا 18,2 مىڭ ادام;
جاستار پراكتيكاسىنا – 26 مىڭ ادام;
قوعامدىق جۇمىستارعا – 133,5 مىڭ ادام.
ەڭبەك رەسۋرستارىنىڭ ۇتقىرلىعى شەڭبەرىندە 2 092 وتباسى نەمەسە 7 016 ادام قونىس اۋداردى, ونىڭ ىشىندە 2 610 ادام ەڭبەككە قابىلەتتى جاستا. 2 067 ادام جاڭا تۇرعىلىقتى جەرىندە تۇراقتى جۇمىسقا ورنالاستىرىلدى جانە 172 ادام كاسىپكەرلىك قىزمەتپەن اينالىسادى, 7 ادام وقۋعا جىبەرىلدى.
ەستەرىڭىزگە سالا كەتەيىك, 2020 جىلى «ەڭبەك» مەملەكەتتىك باعدارلاماسىنا 649 مىڭ ادام قاتىستى. 437,3 مىڭ ادام جۇمىسقا ورنالاستىرىلدى, ونىڭ 319,2 مىڭى تۇراقتى جۇمىسقا تۇردى. جاپپاي كاسىپكەرلىكتى دامىتۋعا 12,7 مىڭ ميكروكرەديت جانە جاڭا بيزنەس-يدەيالاردى ىسكە اسىرۋعا 44,9 مىڭ قايتارىمسىز مەملەكەتتىك گرانت بەرىلدى.
قىسقا مەرزىمدى وقىتۋ كۋرستارىنا 18,7 مىڭ ادام جىبەرىلدى, ال تجكب ۇيىمدارىندا وقىتۋمەن 18,4 مىڭ ادام قامتىلعان.
بۇدان باسقا, ەڭبەك رەسۋرستارىنىڭ ۇتقىرلىعىن ارتتىرۋ شەڭبەرىندە جۇمىس كۇشى ارتىق وڭىرلەردەن 1,8 مىڭ وتباسى قونىس اۋداردى.
