Google كومپانياسى كوروناۆيرۋس ىندەتىنەن ساقتانۋ ءۇشىن ەگىلەتىن مىندەتتى ۆاكتسيناتسيا تۋرالى تالاپتى ورىنداۋدان باس تارتقان قىزمەتكەرلەردى جۇمىستان بوساتۋ تۋرالى شەشىم قابىلدايتىنىن ايتتى.
كومپانيا جەتەكشىلەرى بۇعان دەيىن ءوزىنىڭ بارلىق قىزمەتكەرلەرىنەن 3 جەلتوقسانعا دەيىن covid-19 ۆاكتسيناتسياسىن راستايتىن سەرتيفيكات نەمەسە مەديتسينالىق, ءدىني سەبەپتەرگە بايلانىستى ۆاكتسيناتسيالاۋ مۇمكىن ەمەستىگىن ايعاقتايتىن قۇجات ۇسىنۋدى تالاپ ەتكەن بولاتىن.
كومپانيانىڭ جاڭارتىلعان ەرەجەلەرىنە سايكەس, قاجەتتى قۇجاتتار ۇسىنىلماعان جاعدايدا 2022 جىلدىڭ 18 قاڭتارىنان باستاپ قىزمەتكەرلەر ءبىر ايعا «اقىلى اكىمشىلىك دەمالىسقا» جىبەرىلەدى. 30 كۇن وتكەننەن كەيىن ۆاكتسيناتسيالانباعان جۇمىسشىلار جارتى جىلعا اقى تولەنبەيتىن دەمالىسقا اۋىستىرىلادى, سودان كەيىن ولار جۇمىستان شىعارىلادى.
