«شەتەلدىكتەرگە قاتىستى سوت ەلدەن شىعارۋ تۋرالى شەشىم قابىلدادى, ال شاقىرۋشى تاراپقا قاتىستى ۋاقتىلى شىعۋ بويىنشا شارالار قابىلداعانى ءۇشىن ايىپپۇل سالىنىپ, بيلەتتەر ساتىپ الۋ تۋرالى نۇسقاما بەرىلدى. شەتەلدىكتەردى شاقىرعاندارعا شىعۋ بويىنشا شارالار قابىلدانباعان جاعدايدا, قارجى سوت تارتىبىمەن ءوندىرىپ الىناتىن بولادى», دەپ جازادى قر ءىىم ءباسپاسوز قىزمەتى.
ءىىم اقپاراتى بويىنشا, كوشى-قون زاڭناماسىن بۇزۋشىلاردى ەلدەن شىعارۋ تۋرالى سوتتىڭ 852 شەشىمى شىعارىلعان. 165 شەتەلدىك ماجبۇرلەپ شىعارىپ جىبەرۋ ءۇشىن ارنايى قابىلداۋ ورىندارىنا قامالدى. ەلدەن 239 شەتەلدىك ماجبۇرلەپ شىعارىلدى.
كوشى-قون زاڭناماسىن بۇزعانى ءۇشىن 35 قىلمىستىق قۇقىق بۇزۋشىلىق, ونىڭ ىشىندە 7-ءى مەملەكەتتىك شەكارانى زاڭسىز كەسىپ وتۋگە جانە 28 قىلمىستىق ءىس شەتەلدىكتەرگە ەلىمىزدە زاڭسىز بولۋعا جاردەم كورسەتكەنى ءۇشىن قوزعالدى.
ىزدەۋدە جۇرگەن 68 قىلمىسكەر, ونىڭ ىشىندە 9 تمد ازاماتى ۇستالدى.
«مىسالى, پاۆلودار وبلىسىندا ازاماتتىقتى انىقتاۋ ءۇشىن قۇجاتتاردى قابىلداۋ كەزىندە كوشى-قون قىزمەتىنىڭ قىزمەتكەرىندە مەملەكەتتىك قىزمەتتى الۋعا ءوتىنىش بىلدىرگەن ادامنىڭ ىزدەۋدە بولۋى مۇمكىن دەگەن كۇدىك پايدا بولدى. پوليتسيا قىزمەتكەرى سوڭعى ءۇش جىلدا قىلمىسكەرلەردى ىزدەستىرۋ بويىنشا جۇمىس جاسادى, ناتيجەسىندە قىلمىسكەر ادام انىقتالدى», دەپ قوستى ۆەدومستۆونىڭ باسپاسوز قىزمەتى.
بۇل تۋرالى ول جەدەل تۇردە قىلمىستىق پوليتسيا قىزمەتكەرلەرىنە حابارلادى. ەر ادامدى رەسەي فەدەراتسياسىنىڭ ومبى وبلىسىندا قوس كىسى ولتىرگەنى ءۇشىن قۇقىق قورعاۋ ورگاندارى ىزدەستىردى جانە وسى ۋاقىت ىشىندە ول قازاقستاننىڭ شالعاي جەرلەرىندە مالشى بولىپ جۇمىس ىستەگەن.
سونىمەن قاتار, اتىراۋداعى قۇرىلىس نىساندارىندا ءتيىستى رۇقساتسىز ەڭبەك قىزمەتىن زاڭسىز جۇزەگە اسىرعان 170-كە جۋىق شەتەلدىك انىقتالدى.
وسىنداي قۇقىق بۇزۋشىلىقتار الماتى, الماتى, شىعىس قازاقستان جانە تۇركىستان وبلىستارىندا دا انىقتالدى.
پوليتسياعا شەتەلدىك ازامات تۋرالى ۋاقتىلى حابارلاماعانى ءۇشىن 4 987 جەكە جانە زاڭدى تۇلعا, قايىرشىلىق ءۇشىن 42 شەتەلدىك تارتىلدى.
ۆەدومستۆو اتاپ وتكەندەي, كوشى-قون زاڭناماسىن قاساقانا بۇزعانداردى انىقتاۋ «ميگرانت» جەدەل-الدىن الۋ ءىس-شاراسى اياسىندا جۇرگىزىلدى.
سونىمەن قاتار, 564 وتاندىق جۇمىس بەرۋشى شەتەلدىك جۇمىس كۇشىن زاڭسىز پايدالانعانى ءۇشىن اكىمشىلىك جاۋاپكەرشىلىككە تارتىلدى.
