رەزيدەنتتەردىڭ قارجى شوتتارى جانە قاتىسۋشى ەلدەردىڭ ەلارالىق ەسەپتىلىگى تۋرالى اۆتوماتتى اقپارات الماسۋدى ىسكە اسىرۋ 2014 جىلى قازاقستاننىڭ سالىق ىستەرى بويىنشا ءوزارا اكىمشىلىك كومەك تۋرالى كونۆەنتسياعا قوسىلۋى شەڭبەرىندە باستالدى.
«قازاقستان رەسپۋبليكاسىنا شوتتارداعى قاراجات قالدىقتارى, پايىزدار, ديۆيدەندتەر سوماسى جانە 62 قاتىسۋشى ەلدىڭ قارجى شوتتارىنداعى اكتيۆتەرىنە بايلانىستى تۋىنداعان باسقا دا كىرىستەر تۋرالى اقپارات بەرىلەدى», دەپ حابارلادى مەملەكەتتىك كىرىستەر كوميتەتى.
سونداي-اق, 91 قاتىسۋشى ەلدەن ترانسۇلتتىق كومپانيالاردىڭ قاتىسۋشىلارى تىركەلگەن سالىقتىق يۋريسديكتسيالار اراسىندا كىرىستەردى, پايدانى, تولەنگەن سالىقتاردى جانە ەكونوميكالىق قىزمەتتى جاھاندىق ءبولۋ تۋرالى جيىنتىق دەرەكتەر تۋرالى مالىمەتتەر ۇسىنىلاتىن بولادى.
«اقپاراتپەن الماسۋ شەڭبەرىندە كونۆەنتسياعا قاتىسۋشى ەلدەرمەن ىنتىماقتاستىق قازاقستانعا حالىقارالىق ستاندارتتارعا سايكەس كەلۋگە مۇمكىندىك بەرەدى جانە حالىقارالىق دەڭگەيدە سالىق سالۋدى بولدىرماۋ جانە جالتارۋ ماقساتىندا قۇرىلعان سالىق سحەمالارىنىڭ جولىن كەسۋ بويىنشا سالىق ورگاندارى كۇرەسىنىڭ تيىمدىلىگىن ارتتىرادى», دەيدى مەملەكەتتىك كىرىستەر كوميتەتى.
الماسۋ جۇزەگە اسىرىلاتىن ەلدەر تۋرالى اقپارات ەىدۇ-نىڭ رەسمي سايتىندا ورنالاستىرىلعان.
تولىعىراق مىنا مىنا سىلتەمەلەر ارقىلى بىلۋگە بولادى.
