10 جەلتوقساندا شەنەۋنىكتەن جاۋاپ الىنعاننان كەيىن ۋاقىتشا ۇستاۋ يزولياتورىنا قامالعان. ول پارا الدى دەگەن كۇدىككە ىلىنگەن.
باسىلىم مالىمەتىنشە, حامەنوۆا مەن وبلىستىق مادەنيەت باسقارماسىنىڭ باسشىسى اقىلبەك رىسقاليەۆ اتىراۋدا اباي قۇنانباەۆ ەسكەرتكىشىن ورناتۋعا مەملەكەتتىك ساتىپ الۋ شارتىن جاساسقانى ءۇشىن 4,5 ميلليون تەڭگە كولەمىندە پارا العان. كەيىن رىسقاليەۆ كىناسىن مويىنداعان, ال حامەنوۆا ۇستالىپ, جاۋاپ الىنعاننان كەيىن ۋۇي-عا قامالعان.
اباي ەسكەرتكىشىنە كەلەتىن بولساق, بىلتىر اقىن ەسكەرتكىشىن ورناتۋعا ەكى رەت ۇسىنىس جاسالعان - الدىمەن وبلىستىق ءماسليحات سەسسياسى كەزىندە, سودان كەيىن اقىننىڭ 175 جىلدىعىن مەرەكەلەۋ اياسىندا.
اتىراۋ وبلىسىنىڭ اكىمى ماحامبەت دوسمۇحامبەتوۆ پەن دەپۋتاتتار بۇل يدەيانى قولداعان, سودان كەيىن تەندەرگە دايىندىق جۇرگىزىلگەن. الدىن الا مالىمەتتەر بويىنشا, كەلىسىمشارت سوماسى - 150 ميلليون تەڭگە, ال مادەنيەت باسقارماسى ءبىرىنشى ترانشتى وتكىزىپ ۇلگەرگەن.
باسىلىم مالىمەتىنشە, سىبايلاس جەمقورلىققا قارسى قىزمەتتەگىلەر تەرگەۋ سوتىندا حامەنوۆانى ەكى ايعا قاماۋعا الۋ تۋرالى ءوتىنىش بەرەدى.
ەسكە سالايىق, باقىتگۇل حامەنوۆا بىلتىر 13 ناۋرىزىندا وبلىس اكىمىنىڭ ورىنباسارى بولىپ تاعايىندالعان. بۇعان دەيىن «نۇر وتان» پارتياسىنان VI شاقىرىلعان قر پارلامەنتى ءماجىلىسىنىڭ دەپۋتاتى بولعان.
باسىلىم قازىرگى ۋاقىتتا اتىراۋ وبلىسى اكىمىنىڭ باسقا ەكى ورىنباسارى: نۇرلان تاۋباەۆ 182 ميلليون تەڭگە كولەمىندە پارا الدى دەگەن ايىپپەن جانە قايرات نۇرلىباەۆ اۋىل شارۋاشىلىعى باسقارماسىنىڭ باسشىسى بولا تۇرا, ول 80 ميلليون دوللارلىق اۋىل شارۋاشىلىعى سۋبسيدياسىن زاڭسىز ءبولدى دەگەن ايىپپەن سوتتالىپ جاتقانىن ەسكە سالدى.
