قازاقستان • 10 جەلتوقسان، 2021

بەنزينگە ارنالعان قوسپا وندىرەتىن بىرەگەي زاۋىت

122 رەت كورسەتىلدى

بيىل شىلدە ايىندا عانا ىسكە قوسىلعان «شىمكەنت حيميالىق كومپانياسى» جشس ەۋرو-4 جانە ەۋرو-5 بەنزيندەرىنە ارنالعان قوسپا شىعارۋمەن اينالىسادى. اتالعان قوسپا – مەتيل-ترەت-بۋتيل ەفيرى (متبە) دەپ اتالادى. كومپانيا باس ديرەكتورى مانات بيباسوۆتىڭ ايتۋىنشا، زاۋىت جىلىنا 57 مىڭ توننا دايىن ءونىم شىعارۋعا دايىن. ءارى ءونىمنىڭ تازالىعى 99 پايىز دەڭگەيىندە ەكەن.

وسىدان بىرنەشە اي بۇرىن يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ 2021 جىلى وڭىرلەردە جالپى سوماسى 1،23 ترلن تەڭگە بولاتىن 128 جوبانىڭ ىسكە قوسىلاتىنىن ايتىپ، سونىڭ ىشىندە 25 ملرد تەڭگە ينۆەستيتسيا تارتىلعان شىمكەنت حيميالىق كومپانياسىن دا اتاپ وتكەن ەدى.

132265

جۋرناليستەردى زاۋىت اۋماعىنا شاقىرىپ، ارنايىلاپ سۇحبات بەرگەن مانات بيباسوۆ ءوندىرىس كولەمى شىمكەنت مۇناي وڭدەۋ زاۋىتىنىڭ جۇمىسىنا تىكەلەي بايلانىستى ەكەنىن ايتتى. ويتكەنى ەفيردى ءوندىرۋ ءۇشىن نەگىزگى شيكىزات بولىپ سانالاتىن بۋتان-بۋتيلەن س4 فراكتسياسى مۇناي وڭدەۋ زاۋىتىنان اكەلىنەدى.

 

«زاۋىتتىڭ اشىلۋى ەلباسىمىزدىڭ قازاقستانداعى مۇناي وڭدەۋ زاۋىتتارىن مودەرنيزاتسيالاۋ جانە ەلىمىزدەگى مۇناي-حيميا ونەركاسىبىن دامىتۋ تاپسىرماسى بويىنشا ىسكە اسىرىلىپ وتىر. شىمكەنت ءموز-ءىنىڭ مودەرنيزاتسياسى اياقتالعان سوڭ ءبىز جۇمىس ىستەي باستادىق. بۋتان-بۋتيلەن فراكتسياسىنان يزوبۋتيلەندى پايدالانامىز دا، قالعان پايدالانىلماعان گازدى قايتارىپ بەرەمىز. يزوبۋتيلەن مىنا قوندىرعىنىڭ ىشىندە مەتانول جانە كاتاليزاتورمەن رەاكتسياعا ءتۇسىپ، مەتيل-ترەت-بۋتيل ەفيرى شىعارىلادى. ول ءوز كەزەگىندە جوعارى وكتاندى ەۋرو-4 جانە ەۋرو-5 بەنزينىن ءوندىرۋ ءۇشىن قولدانىلادى»، - دەيدى بيباسوۆ.

1654163

زاۋىت ىسكە قوسىلعاننان 30 قاراشاعا دەيىنگى ارالىقتا 8349 توننا ءونىم شىعارىلعان. ءونىمنىڭ نەگىزگى تۇتىنۋشىسى – شىمكەنت ءموز-ءى. باسقا دا ساتىپ الامىن دەۋشىلەرگە ساۋدالاۋعا مۇمكىندىگى بار. «ەكسپورتتىق الەۋەتىمىزدى دە جوققا شىعارمايمىز، سەبەبى زاۋىتتا ءونىمدى ساقتاۋ جانە ەكسپورتقا جونەلتۋ ءۇشىن بارلىق قاجەتتى تەحنولوگيالىق جابدىق بار»، - دەيدى زاۋىت باسشىسى. ونىڭ ايتۋىنشا، زاۋىت ىشىندەگى جۇمىس پروتسەسى بارلىق ەكولوگيالىق تازالىق تالاپتارىن ساقتاي وتىرا جۇرگىزىلەدى. پروتسەسس 100 پايىز اۆتوماتتاندىرىلعان.

13548

بۇل كومپانيانىڭ بىرەگەي كاسىپورىن رەتىندە سيپاتتالۋى دا تەگىن ەمەس. ويتكەنى وسىعان دەيىن ەلىمىزدە متبە وندىرەتىن ءبىر عانا كاسىپورىن بولدى. ونىڭ جىلدىق قۋاتى 20 مىڭ توننانىڭ توڭىرەگىندە. ال «شىمكەنت حيميالىق كومپانياسىنىڭ» ونىمدىلىگى ودان ءۇش ەسە جوعارى. «سونداي-اق بىزدە الەمدىك نارىقتا ءوزىن كورسەتە بىلگەن مۇناي-گاز حيمياسى ءونىمىنىڭ فيرماسىنىڭ ليتسەنزيالىق تەحنولوگياسىنىڭ بولۋى دا ءونىم ساپاسىن ەرەكشەلەيدى»، - دەيدى زاۋىتتا.

165463

زاۋىت قۇرىلىسى كەزىندە قولدانىلعان تەحنولوگيانىڭ ليتسەنزيارى – ايگىلى فرانتسيالىق Axens كومپانياسى. ءارى قاراي قۇرىلىس كەزىندە نەگىزىنەن وتاندىق كومپانيالارعا باسىمدىق بەرىلگەن. سىيىمدىلىق قۇرىلعىلارى، مەتالل كونسترۋكتسيالارى جانە ترۋبالاردىڭ دەنى ەلىمىزدە وندىرىلگەن. كولوننالىق جانە دالدىگى جوعارى قۇرىلعىلار شەتەلدەن ساتىپ الىنعانىمەن، ولاردى ورناتۋمەن جەرگىلىكتى ماماندار اينالىسقان.

زاۋىت قۇرىلىسىنا «بايتەرەك» حولدينگىنىڭ ەنشىلەس ۇيىمى قازاقستاننىڭ دامۋ بانكى قولداۋ بىلدىرگەن. بانكتىڭ اعا بانكيرى سەرىك احمەتوۆتىڭ ايتۋىنشا، جوبا 13،7 ملرد تەڭگەگە باعالانادى. ونىڭ ۇشتەن ءبىرىن كاسىپورىن يەلەرى قۇيسا، قالعان بولىگىن دامۋ ينستيتۋتى قارجىلاندىرعان.

65541

«Greenfield جوباسى قازاقستاننىڭ يندۋستريالاندىرۋ كارتاسىنا ەنگەن جانە ونىڭ كەلەشەگى زور. ويتكەنى زاۋىت مەتيل-ترەت-بۋتيل ەفيرىنەن باسقا پروپان-پروپيلەن فراكتسياسىن قايتا وڭدەۋ ءوندىرىسىن قۇرۋعا جانە سوڭىندا پروپيلەن الۋعا قاۋقارلى. قازىرگى تاڭدا متبە قۇنى نارىقتا وسە ءتۇستى جانە زاۋىت جوعارى مارجينالدىق جوباعا اينالدى»، - دەيدى سەرىك احمەتوۆ.

132546

زاۋىتتا جۇمىس ىستەيتىن جۇمىسشىلار مەن قىزمەتكەرلەردىڭ بارلىعى – شىمكەنتتىك تۇرعىندار. قازىرگى ۋاقىتتا كاسىپورىننىڭ شتاتتىق سانى – 115 ادام، شەتەلدىك قىزمەتكەرلەر جوق.

زاۋىت اۋماعىندا مەتانول مەن دايىن ءونىم ساقتالاتىن ءتورت رەزەرۆۋار بار. ءاربىرىنىڭ سىيىمدىلىعى – 950 تەكشە مەتردى قۇرايدى. شىمكەنت ءموز-ىمەن اراداعى وندىرىستىك تىزبەك كەدەرگىسىز جۇزەگە اسۋى ءۇشىن تەحنولوگيالىق ينتەگراتسيا جاسالعان. ياعني، تازارتىلعان سۋ تۇرىندەگى ەنەرگيا رەسۋرستاردى جانە شيكىزاتتى الاتىن قۇبىر جەلىسى ەستاكاداسى بار. ودان بولەك، سۇيىقتىقتاردى تاسىمالدايتىن تەمىرجول ەستاكاداسى دا جۇمىس ىستەيدى.

جاڭا كاسىپورىن شىمكەنت ءموز-دەگى مۇناي وڭدەۋ تەرەڭدىگىن ارتتىرۋعا كومەكتەسىپ قويماي، ەلىمىزدىڭ مۇناي-حيميا سالاسىن دامىتۋعا سەرپىندى قادام جاسادى.

 

 

 

 

 

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار