بىلتىرعى ماۋسىمنان باستاپ قكفل شەشىمىمەن ماۋسىمنىڭ ۇزدىك ويىنشىسىنا ايگىلى قازاقستاندىق فۋتبولشى, كسرو سپورت شەبەرى, ەڭبەك سىڭىرگەن باپكەر تيمۋر سەگىزباەۆ اتىنداعى سىيلىق بەرىلىپ كەلەدى. بيىلعى جۇلدە «استانا» كوشباسشىسى مارين توماسوۆقا بۇيىردى. سۇراۋعا قاتىسقانداردىڭ باسىم كوپشىلىگى (120 داۋىس) توماسوۆتى ۇزدىك دەپ تانىدى. حورۆاتيالىق لەگيونەر وسى ماۋسىمدا «استانا» ساپىندا 33 ويىن وتكىزىپ, 24 مارتە قارسىلاستارى قاقپاسىنان ساڭىلاۋ تاپقان. 14 رەت ارىپتەستەرىنە ناتيجەلى پاس بەرگەن.
ەكىنشى ورىنعا «قايرات» كومانداسىنىڭ شابۋىلشىسى ۆاگنەر لاۆ (71 ۇپاي) ورنالاسسا, ۇزدىك ۇشتىكتى ەل چەمپيونى اتانعان «توبىلدىڭ» قاقپاشىسى الەكساندر موكين (59 ۇپاي) قورىتىندىلادى. ايتا كەتەيىك, بۇعان دەيىن مارين توماسوۆ چەمپيوناتتىڭ ۇزدىك سۇرمەرگەنىنە تاپسىرىلاتىن ە.پەحلەۆانيدي اتىنداعى سىيلىقتى دا جەڭىپ العان ەدى.
