پرەزيدەنت تاپسىرماسىمەن اتىراۋ وبلىسىنا كەلگەن مەملەكەتتىك حاتشى قىرىمبەك كوشەرباەۆ تاۋەلسىزدىكتىڭ 30 جىلدىعىنا ارنالعان سالتاناتتى ءىس-شاراعا قاتىستى. شارا بارىسىندا تاۋەلسىزدىڭ ماڭىزىنا توقتالدى.
ء«بىز – ەركىندىككە قولى جەتكەن, ارمان-مۇراتى تەڭ ورىلگەن دانا حالىقپىز. ءبىز – تايقازانى ورتايماعان قازاق دەگەن بايتاق ەلمىز. مىنە, سول باقىت تۇندىگىن اشقان تاۋەلسىزدىك بۇگىندە قۇت-بەرەكەگە اينالدى. ءبىز بۇگىن وسى قۇبىلىستى ەرەكشە سەزىنىپ تۇرمىز. قازاقستان – ىنتىماقتى ۇران, تاتۋلىقتى تۋ ەتكەن بەيبىت ەل. بۇگىنگى مەملەكەتىمىزدىڭ قارقىندى دامۋى – تۇراقتى ساياسات پەن ىشكى بىرلىكتىڭ, ۇلتتىق قاسيەتىمىز بەن ۇلتتىق قۇندىلىقتارىمىزدى ۇلىقتاي بىلگەنىمىزدىڭ جەمىسى. سوندىقتان, بىرلىگىمىز بەكەم, تىرلىگىمىز تياناقتى بولعاندا عانا تاۋەلسىزدىكتىڭ تۋى ماڭگى جەلبىرەيتىنىن ەستەن شىعارماعانىمىز ابزال», دەدى مەملەكەتتىك حاتشى.
قىرىمبەك كوشەرباەۆ ەل تاۋەلسىزدىگىن تۇعىرلى ەتۋگە, ەلىمىزدىڭ الەۋمەتتىك- ەكونوميكالىق دامۋىنا اتىراۋ وبلىسىنىڭ ەرەكشە ۇلەس قوسىپ كەلە جاتقانىن ايتتى.
مەملەكەتتىك حاتشى سالتاناتتى ءىس-شارا سوڭىندا پرەزيدەنت جارلىعىمەن بەرىلگەن مەملەكەتتىك ناگرادالاردى ءتۇرلى سالادا ەڭبەك ەتىپ, ەل دامۋىنا ۇلەس قوسقان ءبىر توپ اتىراۋلىققا تاپسىردى.
