ايماقتار • 09 جەلتوقسان، 2021

تۇركىستان وبلىسىندا بەنزين مەن ديزەل باعاسى شارىقتاپ تۇر

2164 رەت كورسەتىلدى

وبلىستاعى كەيبىر بەكەتتەر بەنزين مەن ديزەل وتىنىن بىردەن قىمباتتاتىپ جىبەرگەن، دەپ حابارلايدى Egemen.kz.

تۇركىستان وبلىسى اكىمىنىڭ ورىنباسارى راشيد ايۋپوۆ وڭىردەگى جانارماي تاپشىلىعىن پاۆلودار زاۋىتىنىڭ جوندەۋ جۇمىستارىنا بايلانىستى ۋاقىتشا توقتاۋىمەن ءتۇسىندىردى. 

«بۇگىنگى كۇنى وبلىستى جالعىز شىمكەنتتەگى مۇناي وڭدەۋ زاۋىتى جانارمايمەن قامتاماسىز ەتىپ وتىر. بۇعان دەيىن ارزان باعانى ۇستاۋ ءۇشىن جانارماي تەمىر جول ارقىلى پاۆلوداردان جانە شىمكەنتتەن تاسىمالداناتىن. بۇگىنگى كۇنى «پەتروقازاقستاننىڭ» ۆاگوندارىندا بەنزين جوق. ۇلكەن جانارماي ساتاتىن بەكەتتەرگە ءوز كومپانيالارى تىكەلەي جەتكىزىپ جاتىر. ال، جەكە جانارماي بەكەتتەرىنىڭ يەلەرى جولدىڭ اقىلى بولۋىنا بايلانىستى تاسىمالداۋعا قارسىلىق ءبىلدىردى. بۇل - تىكەلەي ەنەرگەتيكا مينيسترلىگىنىڭ جاۋاپكەرشىلىگىندە. ءبىز بۇل تۋرالى اقپاراتتى بەردىك. كەلىسسوز جۇرگىزىلدى. «شنوس» كومپانياسى وبلىس ءۇشىن كوبىرەك بەنزين بەرەتىن بولدى»، دەدى راشيد ايۋپوۆ.

ەنەرگەتيكا مينيسترلىگى مەن «شنوس» كومپانياسى وكىلدەرىنىڭ سوزىنە سەنسەك، ەكى كۇن ىشىندە ماسەلە تولىعىمەن شەشىلۋى كەرەك.

ال، دەمالىسقا دەيىن شالعايدا ورنالاسقان شاردارا، ماقتارال اۋداندارىنا دا جەتكىزىلەدى. تاعى ءبىر ايتا كەتەرلىگى، جانارماي تاپشىلىعى تۋىنداعان تۇستا كەيبىر بەكەتتەر بەنزين مەن ديزەل وتىنىن قىمباتتاتىپ جىبەرگەن. بۇل باعىتتا مونيتورينگ توبى باقىلاۋ جۇرگىزىپ، ءىستى مونوپولياعا قارسى كۇرەس دەپارتامەنتىنە وتكىزىپ جاتىر.

بۇگىندە جانارماي ستانتسيالارى ارنايى تالون ارقىلى ءبىرىنشى كەزەكتە مەملەكەتتىك مەكەمە كولىكتەرىن جانارمايمەن قامتىپ وتىر.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار