سپورت • 09 جەلتوقسان، 2021

قازاقستاندا شاحماتتان الەم چەمپيوناتى وتپەيتىن بولدى

70 رەت كورسەتىلدى

ەلوردادا راپيد پەن بليتس بويىنشا جوسپارلانعان 2021 جىلعى الەم بىرىنشىلىگى وتپەيتىن بولدى، دەپ حابارلايدى Egemen.kz.

بۇل جاڭالىقتى FIDE حالىقارالىق شاحمات فەدەراتسياسى Twitter-دە تاراتتى.

جۇلدە قورى 1 ملن دوللاردى قۇرايتىن جارىس 25-30 جەلتوقسان ارالىعىندا قازاقستاندا ءوتۋى ءتيىس ەدى.

«قازاقستان ۇكىمەتى كوروناۆيرۋسقا بايلانىستى جاقىندا ەنگىزگەن جاڭا شەكتەۋلەرى الەم بىرىنشىلىگىن وتكىزبەۋگە سەبەپ بولدى. ولار كوپتەگەن الەۋەتتى قاتىسۋشىلار ءۇشىن مىندەتتى 7 كۇندىك كارانتين ەنگىزەدى، بۇل ولاردىڭ قاتىسۋىن مۇمكىن ەمەس ەتەدى»، دەپ جازادى FIDE.

سونداي-اق، FIDE بۇل ءتۋرنيردىڭ بالاما نۇسقالارىن ۇسىناتىنىن حابارلادى.

سوڭعى جاڭالىقتار

ۇقساس جاڭالىقتار