تەننيس • 09 جەلتوقسان، 2021

ۇزدىك شەتەلدىك ويىنشى اتاندى

37 رەت كورسەتىلدى

قازاقستاندىق تەننيسشى زارا داركەن ەۋروپا تەننيس قاۋىمداستىعىنىڭ شەشىمى بويىنشا 2021 جىلدىڭ ۇزدىك شەتەلدىك ويىنشىسى اتاندى. ول بۇل اتاقتى 14 جاسقا دەيىنگى جاسوسپىرىمدەر اراسىنداعى جەتكەن جەتىستىگىنىڭ ار­قاسىندا جەڭىپ الدى.

اقتوبە وبلىسىنىڭ تۇلەگى زارا داركەن بيىلعى ماۋسىمدا ءبىرتالاي تابىسقا قول جەت­كىزىپ، الەمدىك رەيتينگتە ۇزدىك 20 تەننيس­شىنىڭ قاتارىنا كىردى. وتانداسىمىز وسى جىلعى حالىقارالىق تۋرنيرلەردىڭ جەكەلەي جانە جۇپتىق سىندارىندا ءبىر-ءبىر مارتە جەڭىمپاز اتاندى. ءۇش مارتە فينالعا دەيىن جەتتى.

«جىلدىڭ ۇزدىك ويىنشىسى اتانعانىما قۋانىشتىمىن. بۇل – مەن ءۇشىن جوعارى باعا. جىل بويى جارىستاردا بار كۇشىمدى سالدىم. ماعان ۇلكەن قولداۋ كورسەتكەنى ءۇشىن باپكەرلەرىم مەن قازاقستان تەننيس فەدەراتسياسىنا العىسىمدى ايتامىن. كەلەسى جىلى دا بيىكتەن كورىنۋگە تىرىسامىن»، دەيدى زارا داركەن.

سوڭعى جاڭالىقتار

ۇقساس جاڭالىقتار