ەلوردا • 08 جەلتوقسان، 2021

نۇر-سۇلتاندا «تاۋەلسىزدىك. ەلوردا. بايقوڭىر» عىلىمي-تاجىريبەلىك كونفەرەنتسياسى ءوتتى

82 رەت كورسەتىلدى

نۇر-سۇلتان قالاسىندا ەل تاۋەلسىزدىگىنىڭ 30 جىلدىعىنا وراي «تاۋەلسىزدىك. ەلوردا. بايقوڭىر» اتتى عىلىمي-تاجىريبەلىك كونفەرەنتسيا ءوتتى، دەپ حابارلايدى Egemen.kz.

القالى جيىنعا نۇر-سۇلتان قالاسى اكىمىنىڭ ورىنباسارى اسحات ورالوۆ، نۇر-سۇلتان قالالىق ءماسليحاتىنىڭ حاتشىسى ەرلان كاناليموۆ، سول سياقتى كورنەكتى قوعام قايراتكەرلەرى، قازاقستان حالقى اسسامبلەياسىنىڭ، عىلىمي جانە شىعارماشىلىق زيالى قاۋىم وكىلدەرى، نۇر-سۇلتان قالاسى ءماسليحاتىنىڭ دەپۋتاتتارى، «بايقوڭىر» اۋدانىنىڭ اقساقالدارى قاتىسىپ، ەل تاۋەلسىزدىگى تۋرالى تولعامدى ويلارىن ورتاعا سالدى.

قاتىسۋشىلار تاۋەلسىزدىك كەزەڭدەرى مەن جاڭا مەملەكەتتىڭ قۇرىلۋىنداعى وزەكتى ماسەلەلەردى، قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ تاۋەلسىز ەلىمىزدىڭ قالىپتاسۋىنداعى ستراتەگيالىق باستامالارىنىڭ ءرولىن، ەلدىڭ الەۋمەتتىك-ەكونوميكالىق جانە ساياسي-قۇقىقتىق جاڭعىرۋىنىڭ پەرسپەكتيۆالارى مەن باعىتتارىن ءوزارا سارالادى.

كونفەرەنتسيا وتىرىسىن اشقان «بايقوڭىر» اۋدانىنىڭ اكىمى نۇربول نۇرساعاتوۆ بيىل ەل تاريحى ءۇشىن ەرەكشە جىل ەكەنىن ايتىپ، تاۋەلسىز قازاقستاننىڭ الەمدىك ساياساتتا دەربەس، ەگەمەندى ەل رەتىندە تانىلعانىنا 30 جىل تولۋىمەن جينالعانداردى قۇتتىقتادى.

«بۇل شيرەك عاسىردان استام ۋاقىت. قازاقستان رەسپۋبليكاسىنىڭ ەگەمەندىگى، تاۋەلسىزدىگى ۇعىمدارىن ءسوز ەتكەندە تۇڭعىش پرەزيدەنتىمىز – ەلباسى نۇرسۇلتان ءابىش ۇلى تۋرالى، ونىڭ ساياسي جانە تاريحي ميسسياسىن ءسوز ەتپەۋ مۇمكىن ەمەس. تاۋەلسىزدىك الۋ – ءبىر، ال ونى قورعاپ قالۋ، باياندى ەتۋ، كەلەشەك ۇرپاققا امانات ەتۋ – ءبىر باسقا. بۇل ماسەلە تۋرالى ەلباسىمىز «ەلدىكتىڭ جەتى تۇعىرى» ماقالاسىندا جان-جاقتى ناقتى باعىت-باعدار بەرىپ ءوتتى»، دەدى ءوز سوزىندە ن.نۇرساعاتوۆ.

ءوز كەزەگىندە نۇر-سۇلتان قالاسى اكىمىنىڭ ورىنباسارى اسحات ورالوۆ تا تاۋەلسىزدىك تۋرالى ءوز ويىمەن ءبولىستى.

«تاۋەلسىزدىك – اتا-بابامىزدان قالعان اسىل امانات. ول ۇلتىمىزدىڭ، ءتىلىمىزدىڭ، ءداستۇرىمىزدىڭ مىزعىماس تىرەگى، التىن دىڭگەگى. ءوز الدىنا ەگەمەن ۇلت بولۋ ءبىراز جۇرتقا ارمان بولسا، ءبىز ءۇشىن باعا جەتپەس قۇندىلىق»، دەپ اتاپ ءوتتى ا.ورالوۆ.

ال نۇر-سۇلتان قالالىق ءماسليحاتىنىڭ حاتشىسى ەرلان كاناليموۆ ءوز سوزىندە تۇعىرلى تاۋەلسىزدىكتىڭ باياندى بولۋىن تىلەي وتىرىپ، ەلوردانىڭ بايقوڭىر اۋدانىنىڭ دامۋىنا قاتىستى ءوز ويىن جەتكىزدى.

جيىنعا ارنايى قاتىسقان بەلگىلى قوعام قايراتكەرى، ءتىل جاناشىرى اسىلى وسمان بۇگىنگى كونفەرەنتسيانىڭ ماڭىزدىلىعى تۋرالى ايتتى.

«بۇگىنگى شارانىڭ تاقىرىبىنىڭ ءوزى تۇسىنگەن ادامعا ءمانى زور. ەل تاۋەلسىزدىگىنە ارنالعان مۇنداي شارالار كوپتەپ وتكىزىلىپ، ناسيحاتتالۋ كەرەك. تاۋەلسىزدىگىمىز باياندى، ءتىلىمىز تۇعىرلى بولىپ، ەلباسىمىز ايتقانداي الدىڭعى 30 دامىعان مەملەكەتتىڭ بىرىنە اينالايىق»، دەدى ا.وسمان.

كونفەرەنتسيا سوڭىندا قاتىسۋشىلار ەلورداداعى قالامگەرلەر اللەياسىنداعى «الاش ارىستارى» ەسكەرتكىشىنە گۇل شوقتارىن قويىپ، «Qitap qala» اشىق اسپان استىنداعى كىتاپحاناعا باردى.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • بۇگىن، 23:15

بيلىك جانە ۇلت مەنتاليتەتى

قازاقستان • بۇگىن، 22:54

استاناداعى العاشقى مەشىت

رۋحانيات • بۇگىن، 22:42

الاشوردا وفيتسەرى

قازاقستان • بۇگىن، 22:32

471 مىڭ دوللارعا ساتىلدى

ادەبيەت • بۇگىن، 22:19

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

ۇقساس جاڭالىقتار