بوكسشىلاردىڭ ستاتيستيكالىق مالىمەتتەرىن جۇرگىزەتىن BoxRec باسىلىمىنىڭ اقپاراتىنا سۇيەنسەك, وتانداسىمىز ءوزىنىڭ كەلەسى جەكپە-جەگىن 12 جەلتوقسان كۇنى اقش-تىڭ سپرينگفيلد قالاسىندا وتكىزەدى. ونىڭ بۇل جولعى قارسىلاسى 35 جاستاعى مەكسيكالىق حۋان حوسە مارتينەس الۆارەس (28-10, 20 كو) بولماق. ايقاس التى راۋندقا جوسپارلانعان.
30 جاستاعى جامبىل وبلىسىنىڭ تۋماسى ءوزىنىڭ سوڭعى جەكپە-جەگىن وسى جىلدىڭ مامىر ايىندا اقش-تا پۋەرتوريكولىق سابريەل ماتياسقا (17-1, 17 KO) قارسى وتكىزىپ, كارەراسىندا العاش رەت جەڭىلدى. بۇل ونىڭ كاسىپقوي بوكستىڭ وتانى سانالاتىن اقش-تاعى العاشقى ايقاسى ەدى. ول بۇعان دەيىنگى كەزدەسۋلەرىنىڭ ءبارىن كانادادا وتكىزىپ كەلگەن بولاتىن. وسى جەڭىلىسىنەن كەيىن باتىر جۇكەمباەۆ كانادالىق Eye of The Tiger Management كومپانياسىمەن كەلىسىمشارتىن ءۇزدى.
