حوككەي • 06 جەلتوقسان، 2021

نيجنەكامسكىدەگى كامبەك

33 رەت كورسەتىلدى

شايبالى حوككەيدەن قۇرلىقتىق حوككەي ليگاسىندا (قحل) ونەر كورسەتىپ جاتقان ەلوردانىڭ «بارىسى» سىرت اي­دىن­داعى ويىندار سەرياسىن جەڭىس­پەن باستادى. نيجنەكامسكىگە ساپار شەككەن جەرلەستەرىمىز جەرگىلىكتى «نەف­تە­حيميكتەن» باسىم ءتۇستى.

«نەفتەحيم ارەنا» سپورت كەشەنىندە وتكەن كەزدەسۋدىڭ ءبىرىنشى تايمىندا ويىنشىلار ءبىر-ءبىرىنىڭ قاقپاسىنان ساڭىلاۋ تابا المادى. ەكىنشى 20-مينۋتتا ارەناعا جينالعان جانكۇيەرلەر ءۇش شايبانىڭ كۋاسى بولدى. ماتچتىڭ 30-مينۋتىندا ايدىن يەلەرىنەن سەرگەي كۋپتسوۆ ەسەپتى اشسا، ارادا ءۇش مينۋت وتكەندە پاۆەل پوريادين «نەفتەحيميكتىڭ» باسىمدىعىن نىعايتا ءتۇستى. دەگەنمەن كەزەڭ سوڭىندا «بارىس» ويىنشىلارى ەسەپ ايىرماسىن قىسقارتۋعا مۇمكىندىك الدى. شايبا اۆتورى – رومان ستارچەنكو.

شەشۋشى كەزەڭدە جەرلەستەرىمىز جەڭىس ءۇشىن بارىن سالدى. 48-مينۋتتا كيريلل ساۆيتسكي قارسىلاس قاقپاشىسىنىڭ قاتە­لىگىن ءتيىمدى پايدالانىپ، تابلوداعى كور­سەتكىشتى 2:2-گە جەتكىزسە، سالدەن كەيىن كەر­تيس ۆولك ەلوردالىقتاردى ەسەپتە العا شى­عاردى. ال كەزدەسۋدىڭ اياقتالۋىنا ءبىر مينۋت قالعاندا توماش يۋرچو شايبانى بوس قالعان قاقپاعا ءدال باعىتتاپ، ويىننىڭ نۇكتەسىن قويدى – 2:4.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار