جۋىردا شىمكەنتتەگى «كورمە ورتالىعىندا» وتباسى بانكىنىڭ قالالىق فيليالى ۇيىمداستىرعان جىلجىمايتىن م ۇلىك جارمەڭكەسى ءوتتى. اتالعان ءىس-شاراعا قۇرىلىس كومپانيالارى، بانك كەڭەسشىلەرى مەن جەرگىلىكتى اكىمدىك وكىلدەرى قاتىستى. جارمەڭكە بارىسىندا كەلۋشىلەر تۇرعىن ۇيلەردى سالىستىرىپ، تاڭداپ، تۇرعىن ءۇي قۇرىلىسىن سالۋشى كومپانيانىڭ وزىنەن تىكەلەي جەڭىلدىكتەر الدى.

سونداي-اق وتباسى بانك كەڭەسشىلەرى تۇرعىندارعا نەسيە تولەمدەرىن ەسەپتەپ، الدىن الا ماقۇلداۋ قۇجاتتارىن دايىنداپ بەردى. ءوز كەزەگىندە، بانكتەن وڭ ناتيجە العان سالىمشىلارعا قۇرىلىس كومپانيالارى 3 ملن تەڭگەگە دەيىن جەڭىلدىك ۇسىندى.
وتباسى بانك سالىمشىلارى قۇرىلىس سالۋشىلاردان دايىن پاتەرمەن بىرگە پايدالانۋعا ەندى تاپسىرىلاتىن پاتەرلەردى دە ساتىپ الا الادى. نەسيە مولشەرلەمەسى 5-8،5% (جتسم 9%-دان باستاپ) ارالىعىن قۇرايدى. كۇنى بويى جالعاسقان جارمەڭكەدە كەلۋشىلەرگە 40 شاقتى تۇرعىن ءۇي كەشەنىن سالعان، مىڭنان استام پاتەر ۇسىنعان ونشاقتى قۇرىلىس كومپانياسىنىڭ ونىمدەرىمەن، جۇمىسىمەن تانىسۋعا مۇمكىندىك تۋدى. قىسقاسىن ايتقاندا، ءۇشىنشى مەگاپوليستە وتكەن جىلجىمايتىن م ۇلىك جارمەڭكەسى قۇرىلىس كومپانيالارىن، بانك كەڭەسشىلەرىن جانە جەرگىلىكتى اكىمدىك وكىلدەرىن ءبىر ارناعا توعىستىرعان ماڭىزدى ءارى اۋقىمدى ءىس-شارا بولدى. سول ارقىلى قالا تۇرعىندارى باسپانا ماسەلەسى بويىنشا ءار مەكەمەگە جۇگىرمەي، جارمەڭكەنىڭ مۇمكىندىگىن پايدالانىپ، وزىنە كەرەكتى بۇكىل مالىمەتكە «كورمە ورتالىعىنان» قول جەتكىزىپ قايتتى.
بانك وكىلدەرىنىڭ ايتۋىنشا، قازىرگى تاڭدا شىمكەنتتىكتەر اراسىندا باسپانالى بولۋ نيەتىمەن وتباسى بانكىندە قاراجات جيناپ جاتقاندار سانى كوپ. بيىلعى جىلدىڭ وزىندە 35 125 ازامات جاڭا دەپوزيت اشقان. سالىمدارعا دەگەن ۇلكەن سۇرانىس نەسيە مولشەرلەمەسىنىڭ قولجەتىمدى بولۋىمەن تۇسىندىرىلەدى. العاشقى جارنانى تولتىرۋ ءۇشىن دەپوزيتكە قاراجات جيناسا بولادى. سوسىن سالىمشىلارعا تومەنگى مولشەرلەمەمەن نەسيە الۋعا مۇمكىندىك بەرىلەدى. جىل باسىنان بەرى
3 527 قالا تۇرعىنى وسى مۇمكىندىكتى پايدالانىپ، قونىس تويىن تويلاپ ۇلگەردى.
سولاردىڭ ءبىرى شىمكەنتتەگى «قازىنا» اتتى №20 بالاباقشادا قىزمەت اتقاراتىن گۇلنار قۇدايبەرگەنوۆا تۇران 2 شاعىن اۋدانىنان جۋىردا 1 بولمەلى پاتەر الدى.
– وتكەن قازان ايىندا وتباسى بانك ارقىلى پاتەرلى بولدىم. ءۇيدى الاردان بۇرىن 4 جىل قاتارىنان دەپوزيتكە اقشا قۇيىپ تۇردىم. شاماما قاراي بانكتىڭ سالىمىنا جيناي بەردىم. بىراق سالىمداردىڭ اراسىن ۇزگەن جوقپىن. وسى 4 جىلدىڭ ىشىندە 900 مىڭ تەڭگەدەي قاراجات جينادىم. وتباسى بانكى دە قارجى جاعىنان كومەكتەسىپ تۇردى. ياعني ءار جىل سايىن ماعان 100 مىڭ تەڭگەنىڭ ۇستىندە مەملەكەتتىك سىيلىقاقى تاعايىندالىپ وتىردى. پاتەردىڭ قۇنى 8،7 ميلليون تەڭگە بولدى. قازىر اي سايىن 65 مىڭ تەڭگە تولەپ ءجۇرمىن. يپوتەكالىق نەسيە قۇنى 5 پايىزدى قۇرايدى. ەلدار ەسىمدى بالام بار. جاسى 23-تە. ول دا بۇگىنگى تاڭدا وتباسى بانكىنەن شوت اشىپ، سوعان ءوزى قاراجات جيناپ جاتىر. باسپانالى بولىپ، ءتورت قۇبىلامىز تەڭەلىپ قالدى. بۇعان دەيىن تۋىستاردىڭ ۇيىندە تۇردىق، قانشا جاقىنىڭ بولسا دا ءبارىبىر قىسىلادى ەكەنسىڭ. ءۇيدىڭ ءىشى كەڭ، جىلى، وتە ىڭعايلى. وسىدان جەتى جىل بۇرىن اكىمدىك ارقىلى پاتەر كەزەگىنە تۇرعانمىن. پاتەردى 9 قاباتتى ءۇيدىڭ 5-قاباتىنان الدىم. جەدەلساتى جۇمىس ىستەپ تۇر. سوندىقتان بارشا جۇرتتى مەملەكەتتىڭ قاراپايىم تۇرعىندارعا بەرىپ وتىرعان وسىنداي مۇمكىندىگىن پايدالانىپ قالۋعا شاقىرامىن، – دەدى گۇلنار قۇدايبەرگەنوۆا.
مەملەكەتتىك «شاڭىراق» باعدارلاماسىمەن ءۇي العان جانداردىڭ ءبىرى شىرىنكۇل ەسەنبەكوۆا دا وتباسى بانكىنىڭ ۇسىنعان جەڭىلدىكتەرىنە ءدان ريزا. ءوزىنىڭ ايتۋىنشا، يپوتەكالىق نەسيەنى 13 جىل بويى تولەمەك. سونىڭ 8 جىلىندا اي سايىن 65 مىڭ تەڭگەدەن بانككە اقشا اۋدارسا، قالعان 5 جىلىندا ايىنا 35 مىڭ تەڭگەدەن تولەم جاسايدى.
– مۇنىڭ الدىندا ەكى جىل پاتەر كەزەگىنە تۇرىپ، وتباسى بانكىنە 3 جىل قاتارىنان قاراجات جيناپ ءجۇردىم. سوسىن وتكەن ايدىڭ سوڭىندا بانكتەن حابارلاسىپ: «قۇتتىقتايمىز، ءسىز ءۇيلى بولدىڭىز، كەلىپ پاتەر كىلتىن الىپ كەتىڭىز!» دەگەندە شىنى كەرەك، قۋانىشتان توبەم كوككە ەكى ەلى جەتپەي قالدى. بارىنەن بۇرىن ءوز باسپانامىزعا قول جەتكىزگەنىمىزگە بالا-شاعام قاتتى قۋاندى. ءىنىمنىڭ ۇيىندە تەگىن تۇرسام دا ءوز ۇيىڭە، قاراشاڭىراعىڭا ءبارىبىر ەشنارسە جەتپەيدى عوي. ءوزىمنىڭ ەكى قىزىم بار. ۇلكەنى تۇرمىستا. ودان نەمەرە ءسۇيىپ وتىرمىن. قازىر سول قىزىم بالالارىما دەپ الدەن قامدانىپ، بالا-شاعاسىنىڭ اتىنان بانكتەن شوت اشىپ، اقشا جيناپ جاتىر. ەندىگى كەزەكتە العان جاڭا پاتەرىمنىڭ ءىشىن جيھازبەن جابدىقتاۋ ماسەلەسىنە كىرىسكەلى ءجۇرمىن، – دەيدى شاتتىق كوڭىلى ءالى جۇزىنەن كەتپەگەن شىرىنكۇل ەسەنبەكوۆا.
ال ءۇي نەمەسە پاتەر الۋعا شەشىم قابىلداي الماي جۇرگەندەر، ياعني تۇرعىن ءۇي ماسەلەسىنە ءالى بەلسەنە كىرىسپەي جاتقان بانك سالىمشىلارىنىڭ دەپوزيتتەرىنە جىل سايىن 2% سىياقى جانە 20% مەملەكەتتىك سىيلىقاقى قوسىلىپ وتىرادى. وسى ارقىلى بانك كليەنتتەرگە باسپانا قاراجاتىن تەزىرەك جيناقتاۋعا كومەكتەسەدى.
– جىلجىمايتىن م ۇلىك جارمەڭكەسى شىمكەنت قالاسىندا العاش رەت ۇيىمداستىرىلىپ وتىر. وسى ءىس-شارادا قۇرىلىس كومپانيالارى كەلگەن قوناقتارعا قازىر سالىنىپ جاتقان نەمەسە بولاشاقتا تۇرعىزىلاتىن ۇيلەر جايلى اقپاراتپەن ءبولىستى. نەگىزىنەن ۇيلەر شىمكەنتتە ءۇش ءتۇرلى ساناتتا سالىنۋدا. ول بيزنەس كلاسس، كومفورت جانە ەكونوم كلاسس ساناتتارى. كليەنت جاعدايىنا قاراي وسى ۇشەۋدىڭ ىشىنەن بىرەۋىن تاڭداۋعا قۇقىلى. جارمەڭكە بارىسىندا اتالعان ساناتتاعى ۇيلەرگە جەكە كومپانيالارمەن نەسيەلىك كەلىسىمشارت ارقىلى قول جەتكىزسە بولادى. وتباسى بانكى مەملەكەتتىك باعدارلامالار بويىنشا دا جۇمىس جۇرگىزەدى. سونىڭ ءبىرى – «باقىتتى وتباسى» باعدارلاماسى. جوبا بويىنشا شىمكەنتكە 400 پاتەر قاراستىرىلعان. بۇگىنگى كۇننىڭ وزىندە 257 ازامات باعدارلاما اياسىندا باسپانالى بولىپ تا ۇلگەردى. بۇل باعدارلامانىڭ كومەگىمەن مەملەكەت تولىق ەمەس جانە كوپبالالى وتباسىلار مەن مۇمكىندىگى شەكتەۋلى جانداردىڭ تەزىرەك ۇيگە قول جەتكىزۋىن كوزدەيدى. ۇمىتكەر پاتەردىڭ 10 پايىزدىق جارناسىن الدىن الا قۇيادى جانە 20 جىلعا يپوتەكالىق نەسيە راسىمدەلەدى. كليەنتتەر مەملەكەتتىك «شاڭىراق» باعدارلاماسى بويىنشا دا ءۇي قۇنىنىڭ 10 پايىزىن الدىن الا تولەپ، ءبىرىنشى نارىقتان باسپانا الۋعا مۇمكىندىكتەرى بار. مۇندا ءۇيدىڭ ەڭ جوعارعى قۇنى 15 ميلليون تەڭگەدەن اسپاۋعا ءتيىس، – دەيدى «وتباسى بانك» اق شىمكەنت قالالىق فيليالىنىڭ ديرەكتورى داۋرەن ساۋداباەۆ.
داۋرەن مۇرات ۇلىنىڭ ايتۋىنشا، بيىل شىمكەنت قالاسىندا 3،5 مىڭ ادام وتباسى بانك ارقىلى ءوزىنىڭ تۇرعىن ءۇي ماسەلەسىن جاقسارتقان. قالا تۇرعىندارىنىڭ جالپى جيناق كولەمى 90 ميلليارد تەڭگەگە جەتكەن.
ءا. نۇرجىگىت ۇلى
قارىمتا كەزدەسۋدە قاۋقار كورسەتە الار ما ەكەن؟
سپورت • كەشە
جۇرت كوڭىلىن اۋلاعان مەكتەپ جارمەڭكەسى
قوعام • كەشە
الەم • كەشە
ەلەكتروندى شىلىمعا شىرمالعاندار
قوعام • كەشە
الەم • كەشە
رۋحانيات • كەشە
تۇركيا-رەسەي: گاز ماسەلەسىندە كەلىسىمگە كەلدى
الەم • كەشە
قوعام • كەشە
رۋحانيات • كەشە
رۋحانيات • كەشە
رۋحانيات • كەشە
سپورت • كەشە
قوعام • كەشە
رۋحانيات • كەشە
قازاقستان • كەشە
قازاقستان • كەشە
«استانا وپەرا»: تاڭعالدىراتىن دۇكەندەر اشادى
ەلوردا • كەشە
تانىم • كەشە
بىرنەشە وڭىردە اۋا رايىنا بايلانىستى ەسكەرتۋ جاريالاندى
قازاقستان • كەشە
وسكەمەن تۇرعىنىنان ەسىرتكى تاركىلەندى
وقيعا • كەشە
ريناتا سۇلتانوۆا تۇركيادا تاعى ءبىر التىن يەلەندى
سپورت • كەشە
يزرايل ارمياسى گازانى اتقىلاپ جاتىر
الەم • كەشە
اقتاۋلىق بالا جاعالاۋداعى شۇڭقىرعا قۇلاپ كەتتى
وقيعا • كەشە
قازاقستاندىق كاسىپقوي بوكسشىلاردىڭ رەيتينگىسى جاڭاردى
كاسىپقوي بوكس • كەشە
جالعان قۇجاتپەن قوعامدىق كولىكتى باسقارعان جۇرگىزۋشى ۇستالدى
ايماقتار • كەشە
شىمكەنتتە 9 جاستاعى بالا توققا ءتۇسىپ قالدى
وقيعا • كەشە
كۋبانىڭ مۇناي ساقتاۋ قويماسىندا جويقىن جارىلىس بولدى
وقيعا • كەشە
ەلوردادا بەس اۆتوبۋستىڭ باعىتى وزگەردى
ەلوردا • كەشە
ىستىقكولدە جوعالىپ كەتكەن سپورتشى تابىلدى
وقيعا • كەشە
7 تامىزعا ارنالعان ۆاليۋتا باعامى
قارجى • كەشە
2652 ادام كوروناۆيرۋس ينفەكتسياسىنان جازىلىپ شىقتى
مەديتسينا • كەشە
كوروناۆيرۋس جۇقتىرعان 9 پاتسيەنتتىڭ جاعدايى ناشار
كوروناۆيرۋس • كەشە
پاۆلوداردا ساموكات تەپكەن بالانى كولىك قاعىپ كەتتى
وقيعا • كەشە
ورالدا ستاديوننان ادامنىڭ دەنەسى تابىلدى
وقيعا • كەشە
ۇقساس جاڭالىقتار