ەلوردا • 04 جەلتوقسان، 2021

پىكىرسايىس ءتۋرنيرى باستالدى

72 رەت كورسەتىلدى

4 جەلتوقسان كۇنى نۇر-سۇلتان قالاسىندا ستۋدەنتتەر اراسىنداعى ۇلتتىق پىكىرسايىس ءتۋرنيرى ءوز جۇمىسىن باستادى، دەپ حابارلايدى Egemen.kz.

م. نارىكباەۆ اتىنداعى قازگزۋ-دە قازاقستان رەسپۋبليكاسى تاۋەلسىزدىگىنىڭ 30 جىلدىعى مەن تۇڭعىش پرەزيدەنت كۇنىنە ارنالعان ۇلتتىق پىكىرسايىس ءتۋرنيرىنىڭ اشىلۋى ءوتتى.

ۇلتتىق تۋرنير نۇرسۇلتان نازارباەۆ قورى ەلباسى اكادەمياسىنىڭ قولداۋىمەن وتسە، ۇيىمداستىرۋ جۇمىستارىنا ۇلتتىق پىكىرسايىس فەدەراتسياسى جاۋاپتى بولىپ وتىر.

تۋرنيرگە ىرىكتەۋ كەزەڭدەرىنەن وتكەن 80 ادام قاتىسۋدا. دودا امەريكاندىق جانە بريتاندىق پارلامەنتتىك فورماتتا قازاق، ورىس تىلدەرىندە  ۇيىمداستىرىلعان. ال ۇزدىك سپيكەر لينكولن-دۋگلاس فورماتى بويىنشا انىقتالادى.

ءىس-شارانىڭ اشىلۋ سالتاناتىنا ەلباسى اكادەمياسىنىڭ باسقارۋشى ديرەكتورى مۇرات جۇمانباي، قازگزۋ رەكتورى، نۇر-سۇلتان قالالىق ءماسليحاتىنىڭ دەپۋتاتى تالعات نارىكباەۆ، ۇلتتىق پىكىرسايىس فەدەراتسياسىنىڭ پرەزيدەنتى بولات بۇحارباي قاتىستى.

«سوڭعى جىلدارى ەلىمىزدە بارلىق وبلىستى قامتيتىن ۇلتتىق دەڭگەيدەگى ستۋدەنتتىك پىكىرسايىس ءتۋرنيرى وتكىزىلگەن جوق. بۇل دودانىڭ  ەرەكشەلىگى – ەلىمىز بويىنشا ءوز وڭىرلەرىندە جەڭىسكە جەتكەن ەڭ ۇزدىك كوماندالاردىڭ قاتىسۋى. ەلباسى اكادەمياسى الداعى ۋاقىتتا دا پىكىرسايىس قوزعالىسىن قولدايتىن بولادى»، دەپ اتاپ ءوتتى مۇرات جۇمانباي.

ەلورداعا جينالعان ۇزدىكتەر ەكى كۇن بويى قازاق جانە ورىس ليگالارىندا جۇلدەلى ورىندارعا تالاسپاق. ايتا كەتەرلىگى، رەسپۋبليكالىق ءتۋرنيردىڭ جالپى جۇلدە قورى 2 000 000 تەڭگەنى قۇرايدى.

سوڭعى جاڭالىقتار

«كانەلونى» جەڭۋدىڭ جالعىز جولى ايتىلدى

كاسىپقوي بوكس • بۇگىن، 18:00

ۋتيل الىمى ۋاقىتشا توقتاتىلدى

ەكونوميكا • بۇگىن، 12:51

ۇقساس جاڭالىقتار