بوكس • 04 جەلتوقسان، 2021

جەكپە-جەك كەيىنگە شەگەرىلدى

23 رەت كورسەتىلدى

ورتا سالماقتاعى IBF جانە IBO چەمپيو­نى قازاقستاندىق گەننادي گولوۆكين (41-1-1، 36 كو) مەن WBA Super تيتۋ­لىنىڭ يەگەرى جاپونيالىق ريوتا مۋراتا (16-2، 13 كو) اراسىن­داعى جەكپە-جەك بيىل وتپەيتىن بولدى.

ءاۋ باستا ءۇش تۇجىرىم بويىنشا چەم­پيون­­دىق اتاق ساراپقا سالىناتىن كەزدەسۋ 29 جەلتوقساندا جاپونيادا وتەدى دەپ جوس­پارلانعان بولاتىن. الايدا جاپونيا بيلى­گىنىڭ كوروناۆيرۋس پاندەمياسىنا بايلانىس­تى قابىلداعان جاڭا شەكتەۋلەرىنەن كەيىن ۇيىمداستىرۋشىلار جەكپە-جەكتى كەيىنگە شە­گەرۋگە ءماجبۇر بولدى. سەبەبى ەلدەگى جاڭا قاۋ­لىنىڭ ەرەجەسى بويىنشا، ەندى شەتەل ازامات­تارى جاپونياعا كىرە المايدى. بۇل شارا الەم­دى شارپىعان كوروناۆيرۋستىڭ «وميكرون» شتا­مى تارالماس ءۇشىن جاسالعان.

رەسمي تۇلعالار گەننادي گولوۆكين ءۇشىن جە­ڭىلدىك سۇراعانىمەن،  جاپونيا ۇكىمەتى وعان كە­لىسىم بەرمەگەن. كەيىننەن ايقاستىڭ بيىل وت­پەي­تىنىن وتانداسىمىز گەننادي گولوۆكين دە، ريو­­تا مۋراتانىڭ ءىسىن جۇرگىزەتىن Teiken پرو­موۋ­­تەر­لىك كومپانياسى دا رەسمي تۇردە مالىمدەدى

سوڭعى جاڭالىقتار

ۇقساس جاڭالىقتار