ەلوردا • 03 جەلتوقسان، 2021

«وميكرون» شتامى: نۇر-سۇلتاندا قوسىمشا شەكتەۋلەر ەنگىزىلە مە؟

15859 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ ورتالىق كوممۋنيكاتسيالار قىزمەتىندە وتكەن بريفينگىدە پاندەمياعا قوسىمشا كارانتين شەكتەۋلەرىن ەنگىزبەۋ ءۇشىن نە ىستەۋ كەرەكتىگىن ايتتى، دەپ حابارلايدى Egemen.kz.

«قالاداعى ەپيداحۋالعا قاتىستى ايتسام، ءبىز جاز ايلارىندا «قىزىل» ايماقتا بولدىق. 1600- دەن استام ناۋقاس كۇندەلىكتى انىقتالىپ وتىردى. قازىرگى ۋاقىتتا جاعداي ءبىرشاما جاقسارىپ، كۇنىنە 120-130 ادام اياسىندا تىركەلۋدە. قازىر «سارى» ايماقتامىز. بۇعان سەپتىگىن تيگىزگەن، ءبىزدىڭ ويىمىزشا، ۇجىمدىق يممۋنيتەتتىڭ قالىپتاسۋى. سەبەبى قازىر ءبىز 66 پايىزدان استام ەرەسەك ازامتتاردى ۆاكتسينالاۋدان وتكىزدىك. ال ەكىنشى كومپونەنتپەن جوسپارلانعان ەرەسەك ازاماتتاردىڭ 61 پايىزدان استامى ەكپە الدى – 434 مىڭ ادام. قاراشا ايىندا رەۆاكتسيناتسيا باستالدى. ازىرگە 1177 ادام رەۆاكتسيناتسيادان ءوتتى»، دەدى قالا باسشىسى.

سونداي-اق ول الەمنىڭ ءىرى قالالارىندا «وميكرون» شتامىنىڭ كەسىرىنەن شەكتەۋلەر قايتا كۇشەيىپ جاتقانىن ەسكە سالدى.

«وزدەرىڭىز بىلەتىندەي، «وميكرون» شتامى پايدا بولعالى ۆيرۋس مۋتاتسيادان ءوتىپ جاتىر. حالىقارالىق ارەنادا ءىرى قالالار مەن مەملەكەتتەردە قوسىمشا شەكتەۋلەر ورناتىلىپ جاتىر. وسىنداي قوسىمشا شەكتەۋلەر ورناتىلماس ءۇشىن سانيتارلىق نورمالاردى قاتاڭ ساقتاۋىمىز قاجەت. سونىمەن بىرگە ۆاكتسيناتسيانى ءارى قاراي جالعاستىرامىز»، دەدى التاي كولگىنوۆ.

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

ۇقساس جاڭالىقتار