تۋريزم • 03 جەلتوقسان، 2021

قازاقستان-مىسىر اۋە بايلانىسى توقتاتىلادى

92 رەت كورسەتىلدى

3 جەلتوقساننان باستاپ قازاقستان مەن ەگيپەت اراسىنا قاتىنايتىن ۇشاقتار توقتاتىلادى، دەپ حابارلايدى Egemen.kz.

مۇنداي شەشىم قازاقستان اۋماعىندا «وميكرون-شتاممنىڭ» پايدا بولۋىنا جول بەرمەۋ ماقساتىندا قابىلداندى.

قازاقستان مەن ەگيپەت اراسىنداعى اۋە قاتىناسىن نۇر-سۇلتان، الماتى، شىمكەنت، قوستاناي جانە اقتوبە قالالارىنان شارم-ەل-شەيحكە Air Astana جانە SCAT اۋە كومپانيالارى جۇزەگە اسىرعان.

اۆياكومپانيالاردىڭ اقپاراتى بويىنشا، قازىرگى ۋاقىتتا ەگيپەتتە شامامەن 2800 قازاقستاندىق بار. ولار 3-10 جەلتوقسان ارالىعىندا مىسىردان ەلگە جەتكىزىلەدى.

باس مەملەكەتتىك سانيتارلىق دارىگەردىڭ قاۋلىسىنا سايكەس، ەگيپەتتەن كەلگەن قازاقستاندىقتار ەلگە ۇشىپ كەلگەننەن كەيىن كوروناۆيرۋسقا قارسى ۆاكتسيناتسيانىڭ تولىق كۋرسىنىڭ بار-جوعىنا قاراماستان، قر مەملەكەتتىك شەكاراسىن كەسىپ ءوتۋ ساتىندە 72 ساعاتتان ەرتە ەمەس جاسالعان پتر تەستىنىڭ تەرىس ناتيجەسى بار انىقتامانى ۇسىنىپ، مىندەتتى تۇردە 7 كۇنگە وقشاۋلانۋى قاجەت.

سوڭعى جاڭالىقتار

ۇقساس جاڭالىقتار