بوكس • 03 جەلتوقسان، 2021

مىندەتتى قارسىلاس اتاندى

55 رەت كورسەتىلدى

ورتا سالماقتاعى WBO Global جانە WBC Continental بەلبەۋلەرىنىڭ يەگەرى قازاقستاندىق جانىبەك ءالىمحان ۇلى بۇكىلالەمدىك بوكس ۇيىمىنىڭ (WBO) چەم­پيونىنا مىندەتتى قارسىلاس اتاندى.

وتانداسىمىز 21 قاراشادا فران­تسيانىڭ ەكس-الەم چەمپيونى حاسسان ن’دام ن’جيكامدى تەحنيكالىق نوكاۋتپەن جەڭ­گەننەن كەيىن ونىڭ مەنەدجەرى ەگيس كليماس WBO ۇيىمىنا حات جازىپ، ءالىمحان ۇلىن وسى تۇجىرىمنىڭ قازىرگى چەمپيونى دەمەتريۋس اندرادەنىڭ مىندەتتى قارسىلاسى ەتىپ تاعايىنداۋدى سۇراعان ەدى.

ارادا 10 كۇن وتكەندە WBO ۇيىمى كلي­ماستىڭ ءوتىنىشىن قاناعاتتاندىرىپ، ەكى بوكسشىنىڭ پروموۋتەرلەرىنە جەكپە-جەكتى ۇيىمداستىرۋعا رەسمي حات جولدادى. WBO-نىڭ رەسمي سايتىندا جاريالانعان مالىمەتتە: «ورتا سالماقتاعى WBO چەمپيو­نى امەريكالىق دەمەتريۋس اندرادە مەن قازاقستاندىق بوكسشىنىڭ كومانداسىنا جەكپە-جەكتى ۇيىمداستىرۋعا 20 كۇن ۋاقىت بەرەمىز. ەگەر پروموۋتەرلەر ورتاق شەشىمگە كەلە الماسا، كەزدەسۋدى وتكىزۋ قۇقىعى پروموۋتەرلىك باسساۋداعا شىعارىلادى»، دەلىنگەن.

 

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

ۇقساس جاڭالىقتار