فۋتبول • 03 جەلتوقسان، 2021

قپل-ءدىڭ قىمبات فۋتبولشىلارى

61 رەت كورسەتىلدى

ايگىلى Transfermarkt باسىلىمى فۋتبولدان قازاقستان چەمپيوناتىندا دوپ تەبەتىن فۋتبولشىلاردىڭ ترانسفەرلىك قۇنىن جاريالادى. جىل با­سىنداعى رەيتينگتە كوش باسىندا تۇرعان «قاي­­­راتتىڭ» پولشالىق لەگيونەرى ياتسەك گۋرالسكي 500 مىڭ ەۋروعا ارزانداپ، ەكىنشى ورىنعا ءتۇسىپ قالدى. ونىڭ قازىرگى باعاسى – 1،8 ميلليون ەۋرو.

نەمىستىڭ ايگىلى سايتىنداعى دەرەك بويىنشا وسى ماۋسىمدا «استانا» ساپىندا ءساتتى ونەر كورسەتكەن ارمەنيالىق تيگران بار­سەگيان ەل بىرىنشىلىگىنىڭ ەڭ قىمبات فۋت­بولشىسى اتاندى. قازىرگى تاڭدا ونىڭ ترانس­فەرلىك قۇنى – 2،5 ميلليون ەۋرو. چەم­پيونات باسىندا ول 2 ميلليون ەۋرومەن ءۇشىنشى ورىنعا تابان تىرەگەن ەدى. قىمبات فۋتبولشىلاردىڭ ۇشتىگىن «قايراتتىڭ» قورعاۋشىسى ءنۇرالى ءالىپ پەن «توبىلدىڭ» شابۋىلشىسى يگور سەرگەەۆ (وزبەكستان) تۇيىندەپ تۇر. ولاردىڭ ترانسفەردەگى باعاسى – 1،7 ميلليون ەۋرو. قپل-ءدىڭ بيىلعى سۇرمەرگەندەر تىزىمىندە 11 گولمەن 3-ورىن العان ي.سەرگەەۆتىڭ باعاسى جىل باسىنان بەرى 200 مىڭ ەۋروعا ارتقان.

كەيىنگى ورىندارعا مىنا فۋتبولشىلار جايعاسقان: رادە دۋگاليچ («قايرات») – 1،8 ملن ەۋرو (-200 مىڭ)، حوسە كانتە («قايرات») – 1،5 ملن ەۋرو (+500)، دينو ميكانوۆيچ («قايرات») – 1،7 ملن ەۋرو (-600)، ابزال بەيسەبەكوۆ («استانا») – 1،4 ملن ەۋرو، نەبويشا كوسوۆيچ («قايرات») – 1،3 ملن ەۋرو (+300)، الەكسا امانوۆيچ («توبىل») – 1،3 ملن ەۋرو.

سوڭعى جاڭالىقتار

نگاننۋ ءجۋرناليستىڭ اۋزىن جاپتى

جەكپە-جەك • بۇگىن، 18:00

ۇقساس جاڭالىقتار