قازاقستان • 02 جەلتوقسان، 2021

«جىل ەرىكتىسى» بايقاۋىنىڭ جەڭىمپازدارى ماراپاتتالدى

71 رەت كورسەتىلدى

بۇگىن پاۆلودار قالاسىنداعى جاستار باستامالارىن دامىتۋ ورتالىعىندا 6 اۋديتوريا جۇمىس ىستەدى. مۇندا ۆولونتەرلەر مەن ءىس-شاراعا قاتىسۋشىلار ءۇشىن ءبىر ۋاقىتتا شەبەرلىك سىنىپتارى مەن ۆورك-شوپتار وتكىزىلدى، دەپ حابارلايدى Egemen.kz.

الاڭداردا «ۇلتتىق دەلفي كوميتەتى» كق ديرەكتورى، «ەرەكشە اكتەرلەر تەاترى» مۇمكىندىگى شەكتەۋلى بالالاردى الەۋمەتتىك قولداۋ جونىندەگى وقۋ قۇرالىنىڭ اۆتورى قۇرالاي تۇسپەكوۆا، كوممۋنيكاتسيا جونىندەگى مامان الىشەر ەلىكباەۆ، مەديتسينا دوكتورى، بيولوگ، عىلىمي پوپۋلياريزاتور جانە «MedSupportKZ» قق دارىگەرلەرى مەن عالىمدارى قاۋىمداستىعىنىڭ باسشىسى بوتاگوز كاۋكەنوۆا جانە باسقالار ءدارىس وقىدى.

مەنتورلار مەن ترەنەرلەر ءۇش تىلدە «ەكولوگيا ءومىر سالتى رەتىندە»، «ەتنو باعىتتاعى جوبالار»، «توتەنشە جاعدايداعى ەرىكتىلىك»، «فاندرەيزينگ»، «ينكليۋزيۆتى قوعامداستىق»، «ERG كاج كوشباسشىسى رەتىندە»، «كوممەرتسيالىق ەمەس سەكتورعا ارنالعان ماركەتينگ»، «جوبالىق باسقارۋ»، «گرانتتىق قارجىلاندىرۋ»، «حالىقارالىق ۆولونتەرلىك»، «ينكليۋزيۆتى تەاتر»، «ۆولونتەرلىك جەلىلەردى ۇيىمداستىرۋ»، «مەديتسيناداعى ۆولونتەرلىك» تاقىرىپتارىندا دارىستەر مەن ترەنينگتەر وتكىزدى.

ءىس-شارا اياسىندا «جىل ەرىكتىسى» حالىقارالىق بايقاۋىنىڭ جەڭىمپازدارىنا، سونداي-اق بۇۇ ەرىكتىلەر باعدارلاماسىنىڭ 50 جىلدىعىنا وراي بەكىتىلگەن سىيلىقتىڭ يەگەرلەرىنە قۇرمەت كورسەتىلدى.

جىلدىڭ ۇزدىك ەرىكتىلەرىن اقپارات جانە قوعامدىق دامۋ ۆيتسە-ءمينيسترى بولات تلەپوۆ قۇتتىقتادى.

«قازىرگى زاماندا ەرىكتى بولۋ - ەرلىكپەن تەڭ. ۆولونتەرلەردىڭ ارقاسىندا قوعامنىڭ ەڭ وزەكتى الەۋمەتتىك-تۇرمىستىق ماسەلەلەرى شەشىلىپ، قورشاعان ورتامىز كۇن سايىن جاقسارۋدا. بۇل قانىمىزعا سىڭگەن اسىل قاسيەتتەرىمىزدىڭ سارقىلماعانىن كورسەتەدى. سىزدەردىڭ قوعامدىق قىزمەتتەرىڭىز الداعى ۋاقىتتا ۆولونتەرلىك سالاسىن زاڭعار بيىكتەرگە شىعاراتىنىنا سەنىمدىمىز. ايتۋلى ءساتتى پايدالانا وتىرىپ، «جىل ۆولونتەرى» حالىقارالىق سىيلىعىنىڭ بيىلعى جەڭىمپازدارىن شىن جۇرەكتەن قۇتتىقتايمىن»، دەدى بولات تلەپوۆ.

1

ۆيتسە-مينيستر ەرىكتىلەردى قولداۋ باعىتىندا مەملەكەت جۇرگىزىپ جاتقان جۇمىسقا دا توقتالا كەتتى.

«وزدەرىڭىزگە ءمالىم، پرەزيدەنتتىڭ تاپسىرماسى بويىنشا ءۇش جىلعا ارنالعان ۆولونتەرلىكتى دامىتۋدىڭ جول كارتاسى قابىلداندى. سونىمەن بىرگە، ۆولونتەرلىكتى قولداۋ ستاندارتى مەن ۆولونتەرلەردى ارنايى دايارلاۋ باعدارلاماسى ازىرلەنۋدە. ۆولونتەرلىكتى ىنتالاندىرۋعا باعىتتالعان بىرقاتار زاڭنامالىق جاڭاشىلدىقتار پارلامەنتتە قارالىپ جاتىر. اتقارىلىپ جاتقان جۇمىستار ۆولونتەرلىككە دەگەن قىزىعۋشىلىقتى وياتىپ، ءاربىر ازاماتتىڭ بويىنا تۋعان ەلىنە دەگەن جاناشىرلىق سەزىمدەرىن قالىپتاستىرۋعا باعىتتالادى. تاۋەلسىزدىكتىڭ 30 جىلدىعى مەن حالىقارالىق ەرىكتىلەر كۇنى قارساڭىندا ەلىمىزدىڭ بولاشاعى ءۇشىن جان اياماي ەڭبەك ەتىپ جۇرگەن بارلىق ۆولونتەرلەرگە تولاعاي تابىس تىلەيمىن»، دەپ تۇيىندەدى ول.

ازاماتتىق باستامالاردى قولداۋ ورتالىعىنىڭ ءتورايىمى ليما دياس ەرىكتىلەردىڭ قىزمەتى ەلدەگى ءوزارا كومەك مادەنيەتىن دامىتۋعا ىقپال ەتەتىنىن ايتا كەتتى.

«مەملەكەت باسشىسى قاسىم-جومارت توقاەۆتىڭ باستاماسىنىڭ ارقاسىندا 2020 جىلى اتاپ وتىلگەن ەرىكتىلەر جىلى ەلىمىزدىڭ بارلىق ۆولونتەرلىك ۇيىمدارى بەلسەندى ات سالىسقان «قايىرىمدى ىستەر مارافونى» رەسپۋبليكالىق جوباسى تۇرىندە قيسىندى جالعاسىن تاپتى. بۇگىن ءبارىمىز بىرگە جومارتتىق پەن مەيىرىمدىلىك يدەياسىنا نەگىزدەلگەن جاڭا قوعام قۇرىپ جاتىرمىز. بۇل قوعامدا ءار قازاقستاندىق جاسى مەن الەۋمەتتىك مارتەبەسىنە قاراماستان ءومىرىنىڭ ءبىر بولىگىنە جاقسىلىق جاساۋعا ۇمتىلادى»، دەدى ول.

«جىل ەرىكتىسى» - الەۋمەتتىك جانە قوعامدىق ماڭىزى بار مىندەتتەردى شەشۋگە ۇلەس قوسقان ەرىكتىلەر توبىن، وتاندىق جانە حالىقارالىق ۆولونتەرلىك ۇيىمداردى كوتەرمەلەۋگە باعىتتالعان حالىقارالىق سىيلىق.

بايقاۋ قورىتىندىلارىنا سايكەس «ۇزدىك ۆولونتەرلىك ۇيىم» اتاعىنا «ASAA» شىمكەنت قالاسىنىڭ اccess تۇلەكتەرى» جقب، «JasStar» ۆولونتەرلىك جەلىسى (قاراعاندى وبلىسى)، «جەرۇيىق كەگەن جاستارى» قب (الماتى وبلىسى) يە بولدى. ءاليا ساتباەۆا (الماتى وبلىسى)، ديانا يكوننيكوۆا (شىمكەنت)، «ىلە جۇرەگى» ەرىكتىلەر توبى (الماتى وبلىسى)، جاندوس ءابدىجاپپاروۆ (الماتى وبلىسى) «كورپوراتيۆتىك ەرىكتىلىكتىڭ كوشباسشىلارى» اتاندى.

«كوروناۆيرۋستىق ينفەكتسيامەن كۇرەسكە قاتىسقانى ءۇشىن» حالىقارالىق سىيلىقپەن قايسار قارقىن (نۇر-سۇلتان)، تامەرلان تۇرسىنبەكوۆ (قاراعاندى)، سايات قانات ۇلى (الماتى وبلىسى) ماراپاتتالدى.

«تۇراقتى دامۋ ماقساتتارىنىڭ كوشباسشىلارى» بولىپ ديليارا بەعالىقىزى (الماتى)، دانيل تسوي (بىشكەك)، «دوبرايا پلانەتا» قق (پەتروپاۆل) تانىلدى.

«ەڭ ۇزدىك الەۋمەتتىك كومەكشىلەر» دەگەن اتاققا «دار» قق (نۇر-سۇلتان)، جانەركە بەكسەيىتوۆا (تالدىقورعان)، «استانا قايىرىمدى جاندارى» قب (نۇر-سۇلتان) يە بولدى.

داستان ەرۋباەۆ (الماتى وبلىسى)، ء«ۇمىت» ەرىكتىلەر توبى (الماتى وبلىسى)، الىبەك مۇسا (الماتى وبلىسى) «توتەنشە جاعدايلاردى جويۋعا بەلسەندى قاتىسقانى ءۇشىن» سىيلىقتى ەنشىلەدى.

«حابار-وشارسىز كەتكەن ادامداردى ىزدەۋگە بەلسەندى قاتىسقانى ءۇشىن» ماراپاتىن ماتۆەي شۆەدين (تالدىقورعان)، «دوس» ىزدەستىرۋ-قۇتقارۋ جاساعى (قوستاناي) جانە «استانا ەرىكتىلەرى» نۇر-سۇلتان قالاسى بويىنشا LIDER.KZ قب يە بولدى.

«قۇقىق بۇزۋشىلىق قۇرباندارىنا كومەك كورسەتۋگە بەلسەندى قاتىسقانى ءۇشىن» حالىقارالىق سىيلىعىن بايان مەدەۋباەۆا (الماتى وبلىسى) الدى.

«دەنساۋلىق ساقتاۋدى دامىتۋعا بەلسەندى قاتىسقانى ءۇشىن» ماراپاتىنا «مەديتسينا جاستار» رقب (نۇر-سۇلتان)، دانا بەكتۇرعانقىزى (الماتى وبلىسى)، مادينا سوۆەت (الماتى وبلىسى)، ايگەرىم پونومارەۆا (الماتى وبلىسى) لايىق دەپ تانىلسا، «مەيىرىم-2020» ەرىكتىلەر قوزعالىسى (تالدىقورعان)، ەكاتەرينا ۋشاكوۆا (شىمكەنت)، ينديرا يساباەۆا (الماتى) «سالاۋاتتى ءومىر سالتىن ناسيحاتتاۋعا بەلسەندى قاتىسقانى ءۇشىن» سىيلىعىمەن ماراپاتتالدى.

ء«بىلىمدى ناسيحاتتاۋعا قوسقان ۇلەسى ءۇشىن» سىيلىعىن ۇلجان بوتباەۆا (الماتى وبلىسى)، دامير نۇركەجانوۆ (الماتى وبلىسى)، ساندۋعاش امانقۇل (شىمكەنت)، «بەيبىتشىلىكتى، دوستىق پەن كەلىسىمدى نىعايتۋعا قوسقان ۇلەسى ءۇشىن» سىيلىعىن ماريا گورباچەۆا (سەمەي)، رۋفينا ۋسانوۆا (تالدىقورعان)، ءمولدىر تىلەۋباي (الماتى وبلىسى) الدى. «اكتوبە، دىشي» قوزعالىسى (اقتوبە)، «EcoArsu» ەرىكتىلەر كلۋبى (اقتوبە)، ديانا مىرزاعاليەۆا (نۇر-سۇلتان) «قورشاعان ورتانى ساقتاۋعا جانە قورعاۋعا قوسقان ۇلەسى ءۇشىن» ماراپاتىنا يە بولدى.

«تاريحي-مادەني مۇرانى ساقتاۋعا جانە دامىتۋعا قوسقان ۇلەسى ءۇشىن» سىيلىقپەن «مايدان جولى» پاۆلودار ىزدەستىرۋ زەرتتەۋ جاساعى» قب، ءامينا قارجاۋباەۆا (الماتى وبلىسى)، گۇلزات مامەتنۇرقىزى (قاراعاندى وبلىسى) ماراپاتتالدى.

«زوولوگيالىق قورعاۋ ماسەلەلەرىن شەشۋگە قوسقان ۇلەسى ءۇشىن» ۆەرونيكا گۋزەنكو (تالدىقورعان)، «مەيىرىمدى قول» جانۋارلارعا كومەك كورسەتۋگە ارنالعان قوعامدىق قايىرىمدىلىق قورى (پاۆلودار)، ءلاززات قۇلباەۆا (اقمولا وبلىسى) ماراپاتتى ەنشىلەدى.

«الەۋمەتتىك مىندەتتەردى شەشۋگە قوسقان ۇلەسى ءۇشىن» سىيلىعىمەن اسەت سۇلتان ۇلى (بقو)، سەرگەي كۋريلوۆ (قاراعاندى)، سولتۇستىك قازاقستان وبلىسىنداعى تاحمەوۆ ارداگەرلەر كەڭەسىنىڭ جانىنداعى «سەرەبريانىي ۆولونتەر» توبى (پەتروپاۆل) ماراپاتتالدى.

سالتاناتتى ءىس-شارانى اقپارات جانە قوعامدىق دامۋ مينيسترلىگى ۇيىمداستىردى. ول Eurasian Resources Group قولداۋىمەن «قايىرىمدى ىستەر مارافونىنىڭ» جالپىۇلتتىق جوبا اياسىندا ءوتتى.

2

سوڭعى جاڭالىقتار

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

اندرادەنى مۋنگيا الماستىرۋى مۇمكىن

كاسىپقوي بوكس • بۇگىن، 14:25

ۇقساس جاڭالىقتار