كوروناۆيرۋس • 02 جەلتوقسان، 2021

وميكرون الەمنىڭ 20 مەملەكەتىنەن تابىلدى

615 رەت كورسەتىلدى

كوروناۆيرۋستىڭ جاڭا وميكرون شتامى كەم دەگەندە 20 مەملەكەتتەن تابىلدى، ولاردىڭ سانى تاعى دا ءوسۋى ىقتيمال، دەپ حابارلايدى Egemen.kz.

كوروناۆيرۋستىڭ وميكرون شتامىن وڭتۇستىك افريكا رەسپۋبليكاسىنىڭ عالىمدارى تاپقان ۋاقىتتا ءبىر اپتادان استام ۋاقىت ىشىندە الەمگە تارالىپ جاتقانى بەلگىلى بولدى.

سودان بەرى كوپتەگەن ەلدەر وڭتۇستىك افريكاعا ازاماتتارىن ساپارلاپ بارۋعا تىيىم سالدى. وسى ەلمەن اۋە قاتىناسىن كوپتەگەن ەل توقتاتتى. سوڭعىسى 2-15 جەلتوقسان ارالىعىندا ۇشاق قاتىناسىنا تىيىم سالعان يسپانيا بولدى.

الايدا ددسۇ «حالىقارالىق ساپارلارعا تولىعىمەن تىيىم سالۋ كوروناۆيرۋستىڭ تارالۋىن توقتاتا المايدى» دەپ سانايدى. كوپتەگەن ەلدەر مۇمكىندىگىنشە ۆاكتسيناتسيا باعدارلاماسىن كوبىرەك قامتۋعا ەرەكشە نازار اۋدارىپ جاتىر. مىسالى، ۇلىبريتانيا پرەمەر-ءمينيسترى بوريس دجونسون قاڭتار ايىنىڭ سوڭىنا دەيىن بارلىق ەرەسەكتەردى رەۆاكتسينالاۋ مەرزىمىن بەلگىلەدى. 11 جەلتوقسانعا دەيىن جالپىحالىقتىق لوكداۋندى ۇزارتقان اۋستريا سياقتى ەلدەر ءىرى كولەمدە ايىپپۇل سالۋ ارقىلى حالىقتى ۆاكتسينالاۋعا مىندەتتەۋگە كىرىستى.

گرەكيادا مۇنداي شارالار تەك 60 جاستان اسقان ادامدارعا عانا قاتىستى بولماق. ءۇشىنشى ەكپەنى الماعاندار 16 قاڭتاردان باستاپ اي سايىن مەملەكەتكە 100 ەۋرو تولەيدى. الايدا «جاڭا شتامم قولدانىستاعى ۆاكتسينالاردان باسىم تۇسەدى» دەگەن قاۋىپ باسىم.

جاقىندا بۇرىن Moderna بيوتەحنولوگيا كومپانياسىنىڭ باس ديرەكتورى ستەفان بانسەل ولاردىڭ وميكرونعا قارسى تيىمدىلىگىنە كۇمان كەلتىردى. ونىڭ ايتۋىنشا، جاڭا شتامعا قارسى ۆاكتسينالار جاساۋ ءۇشىن بىرنەشە اي قاجەت.

سوڭعى جاڭالىقتار

اماناتقا ادالدىق

ادەبيەت • كەشە

ديلليان ۋايت قاھارىنا ءمىندى

كاسىپقوي بوكس • كەشە

ۇقساس جاڭالىقتار