قوعام • 01 جەلتوقسان، 2021

ماۋلەن اشىمباەۆ قر تۇڭعىش پرەزيدەنت كۇنىمەن قۇتتىقتادى

25 رەت كورسەتىلدى

پارلامەنت سەناتىنىڭ توراعاسى ماۋلەن اشىمباەۆ فەيسبۋك الەۋمەتتىك جەلىسىندە قازاقستان رەسپۋبليكاسىنىڭ تۇڭعىش پرەزيدەنتى كۇنىمەن قۇتتىقتادى، دەپ جازادى Egemen.kz.

«قۇرمەتتى دوستار!

بارشاڭىزدى قازاقستان رەسپۋبليكاسىنىڭ تۇڭعىش پرەزيدەنتى كۇنىمەن شىن جۇرەكتەن قۇتتىقتايمىن!

ءبىرىنشى جەلتوقسان – بىزدەر ءۇشىن ۇلت بولىپ ۇيىسقان، جۇرت بولىپ جۇمىلعان كۇن. وسىدان تۋرا 30 جىل بۇرىن قازاقستان حالقى تاريحي تاڭداۋىن جاساپ، ءوزىنىڭ تۇڭعىش پرەزيدەنتىن سايلادى. ەل تاعدىرى ەلباسى نۇرسۇلتان ءابىش ۇلى نازارباەۆقا سەنىپ تاپسىرىلدى. بۇل تاۋەلسىزدىك جولىنداعى اسا ماڭىزدى قادام ەكەنى ءسوزسىز.

سودان بەرى ەلىمىز تاۋەلسىز مەملەكەت رەتىندە تولىق قالىپتاسىپ، ساياسي، ەكونوميكالىق، الەۋمەتتىك جانە رۋحاني باعىتتا تولايىم تابىسقا قول جەتكىزدى. شەكارامىز شەگەندەلدى، بىرلىگىمىز بەكەمدەلدى، ءتول قۇندىلىقتارىمىز تورگە وزدى. وسى جولدا كەزدەسكەن سىن-قاتەرلەردەن دە سۇرىنبەي وتە بىلدىك.

بارلىق ماسەلەدە بەيبىتشىلىك پەن كەلىسىمگە تابان تىرەي وتىرىپ، حالىقارالىق ابىروي-بەدەلگە يە بولدىق. ارقا توسىنە جاڭا ەلوردامىزدى سالۋ ارقىلى ەلدىك پەن ەگەمەندىكتىڭ ىرگەسىن بەكىتە تۇستىك. تۇتاس تۇركى دۇنيەسى ءۇشىن قاستەرلى تۇركىستان شاھارىن قايتا تۇلەتىپ، ۇلتتىق بىرەگەيلىگىمىزدى نىعايتۋدىڭ جاڭا كەزەڭىنە كوتەرىلدىك.

مۇنىڭ ءبارى ەلباسىمىزدىڭ ەرىك-جىگەرى مەن قاجىر-قايراتىنىڭ ارقاسىندا ىسكە اسىرىلدى. شىن مانىندە، نۇرسۇلتان ءابىش ۇلىنىڭ تاۋەكەلشىلدىگى مەن تاباندىلىعى، كورەگەندىگى مەن پاراساتتىلىعى قازاق حالقىنىڭ داۋىرلەۋ كەزەڭىنە جول اشتى. سونىڭ ناتيجەسىندە قازاقستان ورلەۋ مەن وركەندەۋدىڭ وزىندىك ۇلگىسىن قالىپتاستىردى.

وسىنداي ۇلى جەتىستىكتەرگە باستاۋ بولعان كۇننىڭ جالپىۇلتتىق مەرەكەگە اينالۋى زاڭدى قۇبىلىس. بۇل – ەڭ الدىمەن، ەلباسىمىزدىڭ مەملەكەتتىلىكتى قالىپتاستىرۋ جولىنداعى ەرەن ەڭبەگىنە كورسەتىلگەن ەرەكشە قۇرمەت. ال، ەلباسىنا قۇرمەت – تاۋەلسىزدىگىمىزگە جاسالعان تاعزىم.

قازىرگى بۋىن، اسىرەسە، وسكەلەڭ ۇرپاق تاۋەلسىزدىكتىڭ قادىرىن تەرەڭ سەزىنۋى ءۇشىن بۇگىنگى مەرەكەنىڭ ماڭىزى زور. سول سەبەپتى، الداعى ۋاقىتتا تۇڭعىش پرەزيدەنت كۇنىنىڭ ءمانى ارتا بەرەتىنى انىق.

بارشاڭىزدى مەرەكەمەن قۇتتىقتاي وتىرىپ، ءار شاڭىراققا شاتتىق پەن قۋانىش تىلەيمىن! ەلىمىز بەن ەلباسىمىز امان بولسىن! تاۋەلسىز قازاق ەلى ماڭگى جاساي بەرسىن»، دەلىنگەن سەنات توراعاسىنىڭ قۇتتىقتاۋىندا.

 

سوڭعى جاڭالىقتار

جەتىم كورسەڭ، جەبەي ءجۇر

ايماقتار • كەشە

ار الدىندا ارىلۋ

رۋحانيات • كەشە

كەدەي ەلدەرگە كومەك

ەكونوميكا • كەشە

عاسىر ءاجىمى

ونەر • كەشە

ۇقساس جاڭالىقتار